Швейцария ҳукумати россияликларнинг мол-мулкини мусодара қилиш ва уларни Украинани қайта тиклашга йўналтиришни ноқонуний деб эълон қилди. Бу ҳақда мамлакат Адлия вазирлиги бошчилигидаги ишчи гуруҳ хулосаларида қайд этилган.
Ишчи гуруҳ бу масалани узоқ вақт ўрганиб чиқди ва россияликларнинг музлатилган активларини мусодара қилиш йўлларини қидирди, аммо қонуний йўл топа олмади, дейилади баёнотида.
Швейцария Федерал Адлия бошқармаси (ФОЖ) бошчилигидаги ишчи гуруҳи Россиянинг хусусий мулкларини мусодара қилиш Федерал Конституция ва амалдаги ҳуқуқий тартибни бузади, деган хулосага келди.
Баёнотда мулк ҳуқуқи асосий ҳуқуқ эканлиги таъкидланган. Музлатилган хусусий активларни мусодара қилиш Швейцариянинг халқаро мажбуриятларини бузади.
Музлатилган Россия активлари бўйича муҳокамалардан мустақил равишда Федерал Кенгаш Украинани қўллаб-қувватлашни давом эттириш ниятида эканлигини яна бир бор тасдиқлади.
Россия ва Украина ўртасида уруш бошлангандан бери кўплаб россиялик миллиардерларнинг мулклари мусодара қилинган эди.
Изоҳ (0)