Британиянинг Glaxo University фармацевтика компанияси 40 йилдан ортиқ вақт давомида ошқозон яраси ва жиғилдон қайнаши Zantac препаратини қўллаш натижасида саратон хавфини яшириб келган. Бу ҳақда Bloomberg хабар бермоқда.
Агентлик маълумотларига кўра, компания 1978 йилдан буён препарат инсон саломатлиги учун хавфли бўлиши мумкинлигини билган, аммо тадқиқот натижаларини яшириб, уни сотишда давом этган.
Мутахассисларнинг фикрича, Zantac фаол моддаси олимлар томонидан лаборатория каламушларида сунъий равишда саратон касаллигини келтириб чиқариш учун кенг қўлланиладиган кучли кансероген NDMA’ни чиқариши мумкин.
Препаратнинг хавфлилиги 2019 йилда маълум бўлди, шундан кейингина ишлаб чиқарувчи ва тартибга солувчилар бутун дунё бўйлаб дорини қайтариб олишни бошлади.
Zantac’ни сотиб олган 70 000 дан ортиқ киши компанияни судга берган. Биринчи суд иши февраль ойи охирида АҚШнинг Калифорния штатида бошланади.
Агентлик таъкидлашича, Zantac рецепт бўйича дунёдаги энг кўп сотилган дори бўлган. Компания унинг учун Буюк Британия қироличаси Елизавета II томонидан мукофот олган ва бош ижрочи директор Эндрю Уитти рицар унвонига сазовор бўлган.
Изоҳ (0)