Миллиардер Тимур Турлов компанияси АҚШ банкини 400 млн долларга сотиб олмоқда

Тимур Турловнинг Freedom Holding компанияси Американинг Maxim Group инвестиция банкини ҳамда унинг шўба корхонаси Maxim Financial Адвисорs‘ни сотиб олади. Бу ҳақда компания баёнотига таяниб Forbes хабар бермоқда. 

Битим қиймати тахминан 400 миллион долларни ташкил этади ва компаниянинг ўз маблағлари ва Nasdaq биржасида сотиладиган Freedom Holding акциялари ҳисобидан молиялаштирилади. Келишув АҚШ регуляторларидан зарур рухсатномалар олгач, ёпилади.

Maxim Group, инвестиция банкидан ташқари, брокерлик ва таҳлилий фаолият билан шуғулланади. Банк, хусусан, Blackrock Innovation аnd Growth Тrust инновацион корхоналарига (4,4 миллиард доллар жалб қилинган) ва Growth Capital Acquisition Corp (1,5 миллиард доллар) молиявий компаниясига эътибор қаратадиган мақсадли фондни рўйхатга олди. 

Maxim Group юк ташиш, энергетика, соғлиқни сақлаш, технология, чакана савдо ва молиявий хизматлар соҳаларида фаолият юритувчи ривожланаётган бозорларда юқори ўсиш суръатлари бўлган ўрта даражадаги компанияларга эътибор қаратади.

Компаниянинг Осиё, Греция, Исроил ва Ғарбий Европанинг катта қисмидаги корпоратив ва институционал қамрови Freedom Holding брокерлик ва глобал дистрибюторлик тармоғини тўлдиради, дейди Турлов.

Freedom Holding ҳисоботида қайд этилишича, Maxim Group’нинг сотиб олиниши компанияга “АҚШ бозорида кенгайишни давом эттириш” имконини беради. 2020 йил охирида Freedom Holding Америка молия институти Prime Executions брокерини сотиб олганди. Ўтган йилнинг январь ойида Prime Executions АҚШда IPO ташкилотчиси сифатида фаолият юритиш ҳуқуқини олди.

Шу билан бирга, Freedom Holding ўтган йили бизнеснинг Россия қисмини сотишга қарор қилди. Россия брокери Freedom Finance аллақачон ўз номини “Сифра брокер”га ўзгартирган, бу бизнес унинг директорлар кенгаши аъзоси Максим Повалишин томонидан сотиб олинган. 

Freedom Holding Ўзбекистондаги Freedom брокер ва Қозоғистондаги Freedom Finance Global брокерининг эгаси бўлиб қолмоқда. 

Freedom Holding асосчиси Тимур Турлов 2022 йилда 2,4 миллиард долларга баҳоланган бойлиги билан Forbes журналининг россиялик миллиардерлар рўйхатига кирган. Ўтган ёзда тадбиркор Россия фуқаролигидан воз кечгани маълум бўлди — ҳозир у Қозоғистон фуқароси.