Германия Иқтисодиёт вазирлигининг ҳисоб-китобларига кўра, мамлакат Россия газ импорти ўрнини суюлтирилган газ қувватлари билан алмаштира олмаяпти. Бу ҳақда Bloomberg хабар берди.
Ўтган ҳафта Канцлер Олаф Шольц мамлакат Россияга ҳаддан ташқари қарамликдан сабоқ олганини билдирган.
Унга кўра, энди мамлакатнинг мақсади хом ашёни Россиядан импорт қилмасдан, урушдан олдингидек кўп газга эга бўлиш имкониятини берадиган қувватни ошириш.
Аммо Германия 56 миллиард куб метр маҳаллий LNG импорт қувватига эга бўлиши учун 2026 йилгача вақт керак бўлади. Бу тахминан 2021 йилда Россиядан қувур орқали импорт қилинган ҳажмга тенг.
Германия 2026 йилда LNG қувватини 56 миллиард куб метрга етказади:
2030 йилга келиб бу қувватлар 76,5 миллиард куб метрни ёки 2021 йилдаги Германия умумий газ истеъмолининг қарийб 80 фоизини ташкил қилади.
Ҳозиргача Германия умумий истеъмолни қисқартириш, қўшни Европа давлатлари орқали LNG импорт қилиш, Норвегия ва Нидерландиядан қувурлар орқали етказиб беришни кўпайтириш орқали Россияга қарамлигини камайтиришга муваффақ бўлди.
«Ҳақиқат шундаки, кейинги уч-тўрт йил ичида дунёда ўсиб бораётган талабни қондириш учун LNG ишлаб чиқариш қуввати етарли бўлмайди», — деди сўл партиядан қонунчи Кристиан Ли.
Унга кўра, Германиянинг ошкор этилмаган стратегияси — ҳаддан ташқари баланд нархларни тўлашда давом этиш. Бошқа камбағал мамлакатлар эса бундай шароитда қуруқ қўл билан қолиб кетиш эҳтимоли юқори.
Мавзуга доир: Германия молия вазири мамлакат энди Россия энергетикасига қарам эмаслигини маълум қилди
Изоҳ (0)