Ҳамма нарса вақт ўтиши билан эскиради, йиртилади, эскиради ёки яроқсиз буюмга айланади. Шунда уларни ташлаб юборамиз. Шундай нарсалар борки, улар узоқ вақт хизмат қилган бўлса-да, биз улардан фойдаланишда давом этаверамиз. Аслида бу нарсаларни аллақачон янгисига алмаштириш вақти аллақачон келган бўлиши мумкин.
Идиш-товоқларни ювиш учун губкалар
Уларни қанчалик тез-тез ишлатишингизга қараб ҳар 2-8 ҳафтада ўзгартириши керак. Идиш-товоқларни қўлда ювсангиз, уларни тез-тез янгисига алмаштириб туринг, махсус машинадан фойдалансангиз, камроқ. Губкаларда бактериялар тўпланишига йўл қўймаслик учун уларни ҳафтада бир марта дезинфекция қилиш керак. Буни микротўлқинли печда ёки идишларни ювиш пайтида идишларни ювиш машинасининг юқори саватига қўйиш орқали амалга оширса бўлади.
Зираворлар
Қуритилган ўтлар кўринишидаги зираворлар ҳар йили янгиланиши зарур. Майдаланган қуруқ зираворлар 2 йилгача, йирик мурч, кардамон каби майдаланиши керак бўлганлар эса 4 йилгача сақланади.
Косметика воситалари
Кўзга инфекция тушмаслиги учун киприклар учун туш ва кўз қалам (подводка)ларни ҳар 3 ойда ўзгартириш тавсия этилади. Ҳолати бузилган юз упа-эликларини ва қовоқлар учун тенларни ҳар 2 йилда бир марта, суюқ тонал креми ва лаб бўёғини йилига бир марта алмаштириб туриш лозим.
Тиш чўткаси
Стоматологлар уни ҳар 3 ойда бир марта ўзгартиришни қатъий маслаҳат беришади. Агар сизда тишга кийиладиган қобиқ мослама ёки имплант тишлар бўлса, унда тиш чўткасини ҳар 2 ойда бир марта алмаштирган афзал.
Сувни тозалаш учун филтр
Хонадонингизда сувни тозалаш тизимларидан фойдалансангиз, филтрни алмаштириш санасини белгилашни унутманг. Бу нафақат кўза шаклидаги филтрларга, балки оқим филтрларига, шунингдек, ичимлик суви ва муз билан таъминлайдиган музлатгичларга ўрнатилган филтрларга ҳам тегишлидир.
Витамин ва дорилар
Йилига камида бир марта, муддати ўтиб кетган дори-дармонларни ташлаш учун уйдаги тиббий қутичани текширинг. Шунингдек, тиббий дори воситаларининг ёрлиқлари, қадоқларидаги ишлаб чиқариш ва сақлаш муддати саналарини кўздан кечиринг. Сақлаш муддати унчалик узоқ бўлмаган дорилар шунчаки шкафда кўп жой эгаллайди.
Ўт ўчиргич (огнетушител)
Улар, одатда, ҳовлида яшайдиган ёки машина ҳайдайдиганларда бўлади. Ҳа, ўт ўчиргичларда, маълум бўлишича, яроқлилик муддати ҳам бор. Ёнғин ўчириш мосламасининг турига (кўпик, кукун ва бошқалар) қараб, у ҳар хил бўлиши мумкин — 4 йилдан 10 йилгача. Бундан ташқари, ёнғин ўчиргични йилига бир марта ёки ҳар икки йилда бир марта текшириш тавсия этилади. Бунинг учун мосламанинг кўрсаткич чизиғига қаранг. Агар у яшил рангда ўрнатилган бўлса, у ҳолда ўт ўчиргич тўғри босим остида бўлади.
Ҳожатхона чўткаси
Албатта, бундай чўткаларда яроқлилик муддати йўқ. Аммо, у ниҳоятда эскириб, ифлосланиб кетган бўлса, жойида турмай қулаб тушаверса, дангаса бўлманг ва уни ўзгартиринг. Чўткалар нархи қиммат эмас.
Ёстиқлар
Улар ҳар икки-уч йилда бир марта ўзгартирилиши керак. Вақт ўтиши билан ёстиқ ичида кўплаб бактериялар ва ўлик тери ҳужайралари тўпланади. Улар ҳар кеча тер ва теридан ажралган моддаларни ўзлаштиради ва бора-бора ёстиқ шаклини йўқотадилар, бўйин ва бошни қўллаб-қувватлашни тўхтатади. Бу эса бош оғриғи, уйқунинг ёмонлиги, бўйин, бел оғриғи ва бошқаларга сабаб бўлади.
Контакт линзалари учун идишлар
Кўз инфекциясини олдини олиш учун нафақат линзаларни сақлаш идишидаги суюқликни, балки идишларни ҳам ўзгартириш лозим. Ҳар 3 ойда, худди тиш чўткаси каби.
Мавзуга доир:
Изоҳ (0)