Бу ҳаммамиз билан тез-тез содир бўлади: дўконда поябзал бежирим кўринади ва оёқларимизга лоппа лойиқ келади. Аммо уйда улар қаттиқ ва кучли ишқаланишлари маълум бўлади, уларни кўчага чиқишнинг имкони йўқдек туюлади. Яхшиямки, бизда кўплаб поябзал муаммолари учун самарали ечимлар мавжуд, деб ёзади “Новий очаг” нашри.
Қадоқ (каллус)дан ҳимояси
Оёқда қадоқнинг ва шишлар пайдо бўлишининг олдини олишда шунчаки шарикли дезодорант ёрдам беради. Терига оз миқдорда ундан суртинг ва тўлиқ қуритинг. Ишонч ҳосил қилиш учун дезодорантни поябзалнинг ички қисмига ҳам суртиб қўйинг.
Сирпанчиқ таглик
Янги поябзал жуда ҳам сирғанчиқми? Оёқ кийим тагини “наждак” қоғоз билан ишқалаб кўринг. Лекин кучли эмас: вазиятни расолаш учун материалнинг жуда нозик қатламини олиб ташлаш кифоя.
Поябзал гʻижирласа
Ғайриоддий чийиллаш сизни ақлдан оздирадими? Янги поябзалдан воз кечишга шошилманг — бу камчиликни тузатиш мумкин. Оёқ кийимингизга оз миқдорда чақалоқлар учун мўлжалланган кукундан сепиб қўйинг. Иложи бўлса, кукун бутун таглик бўйлаб тарқалсин. Бундай чора поябзални ташкил этувчи қисмларнинг ёпишишини яхшилайди ва у хириллашни тўхтатади.
Оёқ кийим юзасидаги чизиқлар
Ҳақиқий чарм поябзалда бурмалар пайдо бўлган бўлса, шикастланган жойни нам мато билан ўранг ва буғ билан ишлов беринг. Оёқ кийимни асл кўринишига тўлиқ қайтариш даргумон, аммо бу усулдан кейин у анча яхши кўринади.
Огʻриқдан халос боʻлинг
Баланд пошнали поябзалларни афзал кўрсангиз, уларни узоқ вақт давомида кийганингизда иккинчи ва учинчи бармоқлар ўртасида пайдо бўладиган оғриқ сизга бегона эмас. Бунинг сабаби асаб толасининг сиқилиши ва оёқдаги қон айланишининг бузилишидир. Баланд пошналарнинг салбий таъсирини камайтириш учун учинчи ва тўртинчи бармоқларни тиббий пластир ёрдамида боғлаб қўйинг. Бу мувозанатни ўзгартиришга ва асаб тугунларидан зўрайишни бартараф этишга ёрдам беради.
Этик усти қисмларининг торлиги
Этикларингизнинг устки қисмини бироз кенгайтириш учун ичини ўралган газеталар билан маҳкам қилиб тўлдиринг. Оёқ кийимларини бир неча кунга қолдиринг. Сўнг уларни қайтадан кийиб кўринг. Лозим бўлса, бу усулни яна такрорланг.
Флип флоп терига ишқаланганда
Флип-флоплар энг қулай поябзал турларидан бири ҳисобланади, аммо улар ҳам баъзан ноқулайлик туғдириши мумкин. Агар тасмалар резина бўлса, терига ишқаланади. Тасмаларни ипак ёки атласдан иборат юмшоқ мато билан ўранг.
Оёқлар ҳидланса
Оёқ кийимларингиз ёмон ҳидлаяптими? Унга бир неча қуруқ чой пакетини бир кеча давомида қўйинг. Эрталабгача бегона ҳидлардан асар ҳам қолмайди.
Сувдан қолган догʻлари
Сув кўпинча чарм поябзалда хунук чизиқлар ва доғлар қолдиради. Улардан қутулиш жуда осон. Кичик миқдордаги тиш пастаси ва истеъмол циркасини аралаштиринг. Тайёрланган композиция билан поябзалларни тозаланг ва ювиб ташланг.
Резина поябзал
Фарзандингизни тасодифий йиқилишдан ҳимоя қилиш учун резина поябзал тагига бир неча бўлак иссиқ елим томизинг.
Намликдан ҳимоя қилиш
Тўқима поябзалларни асал ярмаркаларида ёки хусусий асаларичилардан сотиб олиш мумкин бўлган асал муми билан ишлов бериш орқали намликдан сақланг. Оёқ кийимни маҳсулотнинг бир қисми билан ишқаланг, сўнгра уни соч фени билан яхшилаб иситиб олинг. Мум бутунлай эриши ва намлик ўтказмайдиган қатламни яратиши лозим.
Терини ҳимоя қилиш
Оёқда қадоқ ва шишларнинг пайдо бўлишининг асосий сабаби поябзалнинг ички юзаси ҳисобланади. Зиён етиши мумкин бўлган терининг шикастланишига йўл қўймаслик учун оёқларни соч учун мўлжалланган лак сепинг.
Оёқ кийим ярақлаб туриши учун
Хиралашган локланган поябзалларнинг ярақлаб туришини тиклаш учун уларга ҳар қандай ойна тозалагич воситасини қўлланг, сўнгра уларни юмшоқ мато билан артиб олинг.
Поябзал қаттиқлик қилса
Янги поябзалларни синдириш бир неча кун, баъзан ҳафталар давом этиши мумкин. Энди бу қийинчиликка ҳожат йўқ! Оёқ кийимни қалин жун пайпоқлар билан кийинг ва материални фен билан яхшилаб иситинг, энг тор жойларга алоҳида эътибор беринг.
Оёқлар коʻп терласа
Гипергидроз — кўпчиликка таниш бўлган муаммодир. Оёғингиз остига кунлик гигиеник ёстиқчалардан қўйиб, оёқ кийимингизни тердан сақланг. Зарур бўлганда уни янгисига алмаштиринг ва поябзалингиз ортиқ ҳидланмайди.
Тирналишлар
Тиббий ёки техник вазелин локланган поябзал юзасидаги тирналган жойларни кетказишга ёрдам беради. Маҳсулотнинг оз миқдорини шикастланган жойга пахта ёрдамида суртинг ва юмшоқ ҳаракатлар билан артиб олинг.
Мавзуга доир:
- Қишда поябзал сирпанмаслиги учун нима қилиш керак: 10 та синалган усул
- Оёқларни иссиқ тутинг: Устки кийим учун қишки поябзални қандай танлаш керак? (фото)
Изоҳ (0)