Milliarder Roman Abramovich Telegram’dagi rossiyalik Forbes reytingining eng mashhur a’zosiga aylandi. Bu haqda TGStat Agency reklama agentligiga tayanib, Forbes xabar bermoqda.
-38.jpg)
Mutaxassislar rus tilidagi kanallarda rossiyalik milliarderlarning ko‘rishlar soni va tilga olinishini tahlil qilishdi.
TGStat agentligining boshqaruvchi hamkori Mariya Borisenkoning so‘zlariga ko‘ra, 2022-yilda 500 000 ta kanalda joylashtirilgan 600 milliondan ortiq nashrlar tahlil qilingan.
Natijada rossiyalik milliarderlarning har biri uchun 2022-yilda Telegram’da uning ismi ko‘rsatilgan postlarning umumiy soni hamda bunday nashrlarni ko‘rishlar soni hisoblab chiqildi.
Roman Abramovich Forbes reytingida hamkasblarini katta farq bilan ortda qoldirdi: uning ismi jami 90 530 marta tilga olingan, nashrlarning umumiy ko‘rishlar soni esa qariyb 980 millionga yaqinlashgan.
Bu Rossiya va Ukraina o‘rtasida urush boshlangandan keyin sanksiyalar ostida qolgan Abramovichning “Chelsi” futbol klubini sotishga majbur bo‘lgani, Rossiya-Ukraina muzokaralarida qatnashgani bilan izohlanadi.
Reytingning to‘rtinchi pog‘onasidan asli kelib chiqishi o‘zbekistonlik bo‘lgan Alisher Usmonov joy oldi.
24-fevraldan so‘ng Alisher Usmonov Buyuk Britaniya, Yevropa Ittifoqi va AQSH sanksiyalari ostiga tushdi (ammo Qo‘shma Shtatlar biznesmenni kompaniya cheklovlaridan olib tashladi).
Bahorda Usmonovning aprel oyida Gamburg portida hibsga olingan 512 futlik “Dilbar” yaxtasiga e’tibor qaratildi. Iyun oyida badiiy gimnastika bo‘yicha Rossiya terma jamoasi bosh murabbiyi Irina Viner-Usmonova milliarder bilan nikohi bekor qilinganligini e’lon qildi. Keyinchalik Usmonov ajrashish to‘g‘risidagi arizasini qaytarib olgan. Er-xotin 1992-yilda turmush qurishgandi.
Telegram messenjerida eng mashhur bo‘lgan rossiyaliklar o‘nligi quyidagicha:
- Roman Abramovich
- Pavel Durov
- Oleg Deripaska
- Alisher Usmonov
- Mixail Fridman
- Vladimir Potanin
- Gennadiy Timchenko
- Aleksey Mordashov
- Petr Aven
- Vladimir Yevtushenko
Izoh (0)