“Вагнер” асосчиси Евгений Пригожин Россия Мудофаа вазирлигининг қаршиликлари туфайли урушга маҳбусларни ёллашни тўхтатгани маълум қилинди. Бу ҳақда Россия ҳудудий кенгашларидан бирининг депутати Вячеслав Вегнерга таяниб, UNIAN хабар берди.
Депутат “BKонтакте” ижтимоий тармоғидаги саҳифасида унинг Пригожин билан ёзишмаларидан олинган мактубнинг скриншотини жойлади. Ёзишма ҳақиқатан ҳам олигарх Пригожин ёки унинг матбуот хизматига тегишлилиги белгиси йўқ. Депутат Пригожинга аёл маҳбусларни Украинадаги уруш зонасига жўнатишда ёрдам сўраб мурожаат қилган. Жавоб мактубида Пригожин гўё у маҳбусларни ёллаш имкониятидан маҳрум бўлганини даъво қилади ва қуйидаги сабабларни келтиради:
- “Вазифалар”ни бажаришда ҳаддан ташқари юқори самарадорлик маълум миқдордаги ваколатли шахсларни ноқулай вазиятга солади. Бу фронтдаги айрим бўлинмаларнинг ишини ҳам обрўсизлантиради.
- “Вагнер” маҳбусларни маҳбус сифатида эмас, балки жангчилар билан тенг сифатида ишлатади, бу эса элитани ғазаблантиради.
- Бир қатор ҳарбийлаштирилган амалдорлар, маҳбуслар урушга ёлланса, “Вагнер” сифатида машҳур бўлиши мумкин деб қарорга келган.
Пригожин ҳозирча мактубнинг ҳақиқийлигини тасдиқламаган ёки рад этмаган.
Изоҳ (0)