Украина ҳарбий ёрдам доирасида Италиядан ядровий, биологик ва кимёвий қуроллардан ҳимоя воситалари сўради. Бу ҳақда 16 февраль куни Италия мудофаа вазири Гвидо Крозетто маълум қилди.
Вазирнинг сўзларига кўра, Украинадан сўров бир неча кун олдин келган. Крозетто сўралган ўқ-дорилар навбатдаги ҳарбий ёрдам пакетида Украинага жўнатилишини айтди.
“Украина сўнгги кунларда Италиядан ядровий, биологик ва кимёвий қуроллардан ҳимоя воситаларини тақдим этишни сўради. Биз Украинага фуқаролик ёрдами, генераторлар, кўрпа-тўшаклар билан бирга уларни Киевга берамиз. Улар танкларга қараганда камроқ шов-шувга, аммо кўпроқ ташвишга сабаб бўлиши мумкин. Биз Украинага ёрдам кўрсатиш тўғрисидаги олтинчи фармонни тасдиқладик, уларни Киевга жўнатамиз”, — дея хулоса қилди Италия Мудофаа вазирлиги.
Январь ойи охирида Италия Мудофаа вазирлиги раҳбари Крозетто оддий россияликларга нисбатан чекловларни юмшатишни таклиф қилганди. У Ғарб давлатлари Россиянинг барча фуқароларини, истисносиз, душман деб билса, адашишини таъкидлаган.
Изоҳ (0)