«Вагнер»га ёлланган 33 ёшли танзаниялик Таримо Немес Украинадаги урушда ҳалок бўлди. Бу ҳақда BBC хабар берди.
Танзаниялик эркак Москвада Россия технология университетида таҳсил олган, бироқ 2021 йилда гиёҳванд моддалар билан боғлиқ жиноятларда айбланган. Қариндошларининг сўзларига кўра, унга «Вагнер»га қўшилиш эвазига колониядан озод қилиш ваъда қилинган.
Марҳумнинг оиласи Немеснинг ўлими ҳақида уч ҳафта олдин хабар топган. «Охирги марта биз у билан 17 октябрь куни гаплашган эдик, ўшанда у аллақачон Вагнернинг аъзоси бўлганди. Декабрь ойида унинг дўстларидан у ўлгани ҳақида маълумот олдик», — деди исми сир қолишини истаган қариндоши.
16 январь куни «Вагнер» асосчиси Евгений Пригожин билан алоқадор бўлган РИА ФАН танзанияликнинг ўлими ҳақида хабар берди. Хабарда айтилишича, у 24 октябр куни Бахмут яқинида ҳалок бўлган.
2022 йил ноябрь ойида Москва колонияларидан бирида жазо ўтаётган 23 ёшли Замбия фуқароси Украинадаги урушга ёлланиши ортидан вафот этганди. У Россияда Москва муҳандислик-физика институтида ўқиган ва курьер бўлиб ишлаган. 2020 йил апрель ойида у 9,5 йилга қамалган.
Изоҳ (1)
Ангрен прокурори қандай қилиб айтган булса, халқ шундайлигича тушунди.
Нима, у прокурор қонунлардан бехабарми?!
Демак, у ойлигини бекордан бекор олаябди!
Шундай жонкуяр экан, нега қорни тозалашда ёрдам бермабди?!
Кучадан югуриб келадилар да, уқитувчиларга ташланадилар!
Хали бир фарзандингизнинг мактабдаги уйга вазифасига қараша олмаябсиз, тарбиясига ку умуман эътиборингиз йуқ, энди, узингизни уқитувчининг урнида қуйиб куринг! Уқитувчининг урнида бир гина кун ишлаб куринг!
Йодингизда қуйинг : уқитувчи хизматкорингиз эмас!
Уқитувчининг туп вазифаси, туп профессияси бор!