Qo‘ziqorin va qiyma qo‘shib tayyorlanadigan xushta’m spagetti retsepti

Qiyma va pomidor qaylasi spagetti bilan klassik kombinatsiyani hosil qiladi. Taomga qo‘ziqorin qo‘shsangiz yanada mazali bo‘ladi.

Kerakli masalliqlar:

• piyoz — 1 dona
• sarimsoq — 2 donacha
• qo‘ziqorin — 400 g
• pomidor qaylasi — 800 g
• o‘simlik yog‘i — 2-3 qoshiq
• tomat pastasi — 2 qoshiq
• qiyma — 400 g
• tuz — ta’bga ko‘ra
• murch — ta’bga ko‘ra
• spagetti yoki boshqacha makaron turi — 400 g

Tayyorlanishi:

1. Piyoz va sarimsoqni mayda, qo‘ziqorin va pomidorni esa o‘rtacha shaklda to‘g‘rab oling.
2. O‘simlik yog‘ini o‘rtacha olovda qizdiring. Piyoz va sarimsoqni 4-5 daqiqa davomida qovuring. Tomat pastasi bilan aralashtiring va yana bir daqiqa qovurib oling.
3. Qovurilayotgan masalliqlarga qiyma qo‘shing, aralashtiring va yana 3-4 daqiqa pishiring. Aralashtiring va qoshiq bilan katta bo‘laklarni maydalang.
4. Qo‘ziqorinlarni soling va hamma narsani 3-4 daqiqa davomida qovuring.
5. Pomidor qaylasini qo‘shing. Qaynatgandan keyin olovni o‘rtacha darajaga tushiring, idish qopqog‘ini yoping va 25-30 daqiqa davomida qaynatib oling. Ta’bingizga moslab tuz va murch qo‘shing.
6. Makaronni 8-10 daqiqa qaynatib oling, qancha vaqt qaynatilishini bilish uchun o‘ramga qarang. Makaronning suvini to‘kib tashlang.
7. Makaronni qayla pishirilgan tovaga soling va aralashtiring. Bir-ikki daqiqadan so‘ng taomni likopchalarga solib, dasturxonga torting. 

Yoqimli ishtaha!