AR3213 қуёш доғида 11 февраль куни Х1.1 синфидаги кушли қуёш чақнаши содир бўлди. Бу ҳақда HiTech хабар берди.
Ушбу ҳодиса CDО космик аппарати асбоблари томонидан қайд этилган. Чақнаш натижасида қуёш зарралари Ерга томон ҳаракатланган, бу Жанубий Америкада бир соат давомида радио узилишига олиб келган. Қуёш зарралари оқими нафақат Ердаги алоқанинг ишлашига салбий таъсир кўрсатиши, балки космик сунъий йўлдошларга, шунингдек, Халқаро космик станцияга ҳам зарар етказиши мумкин.
Ҳафта давомида Ердан ўн баравар катта бўлган AR3213 қуёш доғида бир қатор кучли чақнашлар кузатилди. Булар М синфидаги қуёш чақнашлари бўлиб, улар Х синфидаги чақнашларга қараганда анча заифдир. Улкан қуёш доғи кучли фаоллик белгиларини кўрсатишда давом этмоқда ва яқин кунларда кучли чақнашлар пайдо бўлиши кутилмоқда.
Изоҳ (1)
kushlimi yoki kuchlimi?