Quyoshda kuchli chaqnash sodir bo‘ldi. Hodisa Yerga ta’sir o‘tkazdi (video)

AR3213 quyosh dog‘ida 11-fevral kuni X1.1 sinfidagi kushli quyosh chaqnashi sodir bo‘ldi. Bu haqda HiTech xabar berdi.

Ushbu hodisa SDO kosmik apparati asboblari tomonidan qayd etilgan. Chaqnash natijasida quyosh zarralari Yerga tomon harakatlangan, bu Janubiy Amerikada bir soat davomida radio uzilishiga olib kelgan. Quyosh zarralari oqimi nafaqat Yerdagi aloqaning ishlashiga salbiy ta’sir ko‘rsatishi, balki kosmik sun’iy yo‘ldoshlarga, shuningdek, Xalqaro kosmik stansiyaga ham zarar yetkazishi mumkin.

Hafta davomida Yerdan o‘n baravar katta bo‘lgan AR3213 quyosh dog‘ida bir qator kuchli chaqnashlar kuzatildi. Bular M sinfidagi quyosh chaqnashlari bo‘lib, ular X sinfidagi chaqnashlarga qaraganda ancha zaifdir. Ulkan quyosh dog‘i kuchli faollik belgilarini ko‘rsatishda davom etmoqda va yaqin kunlarda kuchli chaqnashlar paydo bo‘lishi kutilmoqda.