“Дарё” интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда “Маҳалла. Муаммо. Мулоҳаза” лойиҳасини тақдим этиб келмоқда. Лойиҳанинг 18-сони мавзуси “Таълимга эътибор бор, тарбияга-чи?” бўлиб, дастур меҳмони сифатида таълим соҳаси эксперти Баҳодир Ғаниев таклиф этилди.
— Ёшларнинг эҳтиёжларидан келиб чиқиб, давлат томонидан бериладиган ёрдам, амалга ошириладиган чора-тадбирлар, коррупсион, ишламаётган тизимларни бекор қилиш, албатта, яхши. Бунга умуман эътироз йўқ. Масала бунда эмас. Таълим муассасаларида ёшларнинг бир-бири билан ишлайдиган тарбиявий тизимини деярли йўққа чиқариб қўйганимиздан хавотирдаман.
Яна айтаман, маҳалладаги ёшлар етакчисига фойдали функцияларни ўргатиш ҳам мумкин, лекин таълимдан чиқиб кетиш керак эмас. Ёшлар билан ишлашда ёндашувлар ишлаши, замонавийлашишимиз керак. Биз бугунги глобал ривожланган дунёда 100 йил олдин ўйлаб топилган механизмларни қўллашга ҳаракат қиляпмиз. Бугунги ёшлар эса айрим масалаларда очиқдан очиқ устимиздан куляпти, — дейди Баҳодир Ғаниев.
Кўрсатувни тўлиқ тарзда “Дарё”нинг YouTube’даги саҳифаси орқали томоша қилиш мумкин.
Изоҳ (0)