“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 18-soni mavzusi “Taʼlimga eʼtibor bor, tarbiyaga-chi?” bo‘lib, dastur mehmoni sifatida taʼlim sohasi eksperti Bahodir G‘aniyev taklif etildi.
— Yoshlarning ehtiyojlaridan kelib chiqib, davlat tomonidan beriladigan yordam, amalga oshiriladigan chora-tadbirlar, korrupsion, ishlamayotgan tizimlarni bekor qilish, albatta, yaxshi. Bunga umuman eʼtiroz yo‘q. Masala bunda emas. Taʼlim muassasalarida yoshlarning bir-biri bilan ishlaydigan tarbiyaviy tizimini deyarli yo‘qqa chiqarib qo‘yganimizdan xavotirdaman.
Yana aytaman, mahalladagi yoshlar yetakchisiga foydali funksiyalarni o‘rgatish ham mumkin, lekin taʼlimdan chiqib ketish kerak emas. Yoshlar bilan ishlashda yondashuvlar ishlashi, zamonaviylashishimiz kerak. Biz bugungi global rivojlangan dunyoda 100 yil oldin o‘ylab topilgan mexanizmlarni qo‘llashga harakat qilyapmiz. Bugungi yoshlar esa ayrim masalalarda ochiqdan ochiq ustimizdan kulyapti, — deydi Bahodir G‘aniyev.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)