Қайноқ сувдан фақат чой ёки қаҳва тайёрлаш учун фойдаланилмайди. У билан яна нималар қила олиш мумкинлигини қуйидаги мақола орқали билиб оласиз.
Бегона ўтлардан халос бўлинг
Ҳовли теварагидаги бегона ўтларни тозалаш учун уларни кимёвий моддалар билан заҳарлашга ҳожат йўқ. Тупроқ таркибига зиён келтирмайдиган хавфсиз ва экологик тоза усул бор: қайноқ сув. Бу усул ҳовлиларда истиқомат қилувчи аҳоли томонидан бир йиллик ўсимликларга қарши курашда муваффақиятли синовдан ўтказилди. Аммо ўқ илдизли ўтлар, масалан, қоқиўтдан халос бўлиш учун илдизига бир неча чойнак қайноқ сувни қуйиш керак.
Тухум қайнатишнинг янгича усули
Тухумни қайнатишнинг қизиқарли усули бор. Чойнакка тубидан 10 сантиметр кўтарилган миқдорда сув қуйиб, паст оловда қайнатилади. 4 та тухумни майда тешикли элакка чақиб солинг, тухум оқи пастга оқиб тушгунча кутинг. Массани кўпиртиринг, устига қайноқ сув қуйиб, қошиқ билан аралаштиринг. 20 сония ичида тухум тайёр бўлади!
Нонни бир текис кесиш усули
Агар қолипли ёки батон нон ҳозиргина пишиб чиққан бўлса, унда нонни махсус арра-тишли пичоқ билан кесиш қийин бўлади. Нон бўлакларга бўлиниб, уваланиб кетади. Бу муаммони ҳал қилиш осон, фақат пичоқ устига қайноқ сув қуйиб, дарҳол нонни кесишни бошлаш керак. Энди сиз бир текисда кесилган нон бўлакларидан мукаммал сендвичлар тайёрлай оласиз.
Тиқинларни тозаланг
Раковина ёки ваннадаги тиқинларни бир неча чойнак қайноқ сув билан тозалашингиз мумкин. Қайноқ сув органик қолдиқларни тезда эритади, юмшатади, шунда улар осонгина дренажга тушиб кетади. Аммо ПVX(поливинилхлорид)дан тайёрланган қувурлар бўлса, бунда қайноқ сувдан фойдаланиш тавсия этилмайди.
Тахтакачларни дезинфекциялашда қўл келадиган усул
Ёғоч тахталарни қаттиқ чўтка ва кимёвий моддалар билан тозаламанг, оқибатда улар яроқсиз ҳолга келади. Шу билан бирга, уларда бактериялар ва зарарли микроорганизмлар кўпайиши мумкин. Хом гўшт ёки балиқни тўғраб бўлгач, тахтакачнинг юзасига қайноқ сув қуйинг ва кўрсатмаларга мувофиқ фойдаланишда давом этинг.
Юзни тозалаш учун сочиқ тайёрланг
Иссиққина нам сочиқ юз терисини косметика воситаларидан ёки юз ниқоби қолдиқларидан самарали тозалайди. Тоза юмшоқ матони қайноқ сувга ботириб, сиқиб олинг ва юзингизни уқалаш ҳаракатлари билан артиб олинг. Бу усул терини кейинги парвариш учун тайёрлайди. Юзни тозалаб олгач, крем ёки озиқлантирувчи воситаларни суртишингиз мумкин.
Мавзуга доир:
Изоҳ (0)