Kir yuvish kondisioneridan foydalanishning 9 ta kutilmagan usuli
Gilam yuzasini, mashinadagi bolalar oʻrindigʻini yoki pishir-kuydirdan qoraygan tovani koʻnglingizdagidek tozalay olmayapsizmi? Kondisioner yuvish vositasi tovani tozalashda eng katta yordamchi ekanini bilarmidingiz? Va bu hamma sirlar emas, quyidagi yana boshqa usullardan foydalanib koʻring, deb yozadi “Noviy ochag” nashri.
Devordagi eski gulqogʻozlarni osonlik bilan ketkazing
Devordagi eski gulqogʻozlarni devordan yulib olishni osonlashtirish uchun bir qopqoq kondisionerni bir litr suvga aralashtiring. Soʻng gupka yordamida suyuqlikni devorlarga surting. 20 daqiqadan soʻng gulqogʻozlarni olib tashlang. Agar gulqogʻozlar vinilli boʻlsa, avval devor sirtini simli choʻtka bilan silliqlab oling, keyin kondisionerli suvni qoʻllang.
Gilamlar tozaligi
Vaqti-vaqti bilan gilamga kondisioner bilan ishlov berilsa, uning yuzasida chang, soch, uy hayvonlarining yungi kamroq yopishadi. Kondisionerni 1: 1 nisbatda suv bilan aralashtiring va purkagichli idishga solib gilamga seping. Gilam ustini bosmaslik va uni yaxshilab quritish uchun bu ishni kechki payt bajargan maʼqul. Effekt bir necha hafta davom etadi va gilamni changlardan tozalash ancha osonlashadi.
Devor va oynadagi soch lakini artib oling
Juda keng tarqalgan muammo: tez-tez aerozol naychali sochni turmaklashda yordam beruvchi vositalarni ishlatsangiz, vaqt oʻtishi bilan oynali mebel atrofida va devorlarda uning bir qismi yopishib qotib qoladi. Kondisionerni suvga (1:2) aralashtirib, kirlangan yuzaga seping. Quruq, toza mato bilan artib oling.
Charm kurtkani tozalang
Kondisionerni ozgina suv bilan aralashtiring, paxtali tampon yoki roʻmolcha yordamida kurtkaning chirk qismlarini artib oling.
Kuygan tovalarni qiynalmay yuving
Temirli qattiq choʻtkalar, simli yuvgichlarni unuting. Buning oʻrniga, kondisioner va iliq suv yordamida idishlarni namlang. Taxminan bir soat mobaynida yoki natija boʻlmaguncha shu holda qoldiring.
Deraza oynalarini yarqirating
Konditsionerni suv bilan 1: 4 nisbatda aralashtiring, uni oynalarga seping va artib oling. Xuddi shu kompozitsiya bilan uydagi derazalarning oynasi yaraqlab ketadi va hech qanday chiziq qolmaydi!
Plitka va eshiklarni tozalang
Har doim kvartirani tozalashda oddiy mato yumshatkich haqida unutamiz. Ammo ifloslangan yuzalarni tozalash ancha qiyin. Bu holda kondisioner yordamga keladi. Kir yuzalarni suv bilan suyultirilgan konditsioner pol latta bilan artib oling.
Bolalar uchun avtomobil oʻrindigʻini yuving
Bolalar oʻrindigʻi, ehtimol, mashinaning eng kir toʻplangan joylaridan biri. Tozalikni saqlashni unutmang, chunki unda bakteriyalar ham toʻplanadi. Xoʻsh, agar avtomobildagi bolalar oʻrindigʻida dogʻ paydo boʻlsa, uni qanday ketkazish mumkin? Mato yumshatkichni suvga aralashtirib, kir joylarni ishqalab artib olish kifoya!
Laminat polni arting
Bir chelak suvga oz miqdorda kondisioner qoʻshing, lattani unga botirib pollarni artib chiqing.
Mavzuga doir:
- Atseton o‘rniga: kiyimlar va tirnoqlardagi lakni qanday qilib oson ketkazish mumkin?
- Kiyimdagi dog‘lardan xalos bo‘lishning 8 ta tezkor usuli
