Бу муаммо сочларингиз сийрак ёки қалин, соғлом ёки, аксинча, шикастланган бўлишидан қатъи назар пайдо бўлиши мумкин. Чунки сабаб сочда эмас. Балки бошни тез-тез юваётгандирсиз? Сочларнинг тез ёғ бўлишининг сизга маълум бўлмаган сабаблари қуйида ҳавола этилади.
Сочга қўл билан тез-тез тегасиз
Bekoрчиликдан, ноз-карашма қилганда билмаган ҳолда бармоқлар билан сочларни тараб ўтириш одатга айланиши. Мушкул муаммони ҳал қилаётганда, шубҳасиз, қўлларингиз билан бошингизни ушлайсиз. Одатларингизга эътиборли бўлинг — юқоридаги ҳаракатларнинг барчаси кафтлардаги табиий ёғнинг соч толаларига ўрнашиб қолишига олиб келади.
Бошни кунора ювасиз
Ғалати парадокс, аммо ҳақиқат. Шампун сочлар ва бош терисидаги табиий ёғларни кеткизади, бу уларнинг қуруқ бўлиб қолишига ва организм йўқотишларни қоплаш учун кўпроқ ёғ ишлаб чиқаришига сабаб бўлади. Кунора эҳтиёжсиз равишда бош ювиш ярамайди. Сочингизни ҳафтасига икки марта ювиш кифоя.
Муаммо кондиционердадир?
Балки сиз жуда кучли кондиционер турини танлаган бўлишингиз мумкин, бу сочингизни оғирлаштиради ва улар чигал бўлмайди. Кондиционерни қўллагандан кейин яхшилаб ювиб ташланмаса, соч учларига эмас, илдизига кўп суртилса ҳам, сочлар тез ёғланади.
Сочларни тез-тез тараш
Бош терисини массаж қилиш ёқимли ва фойдали, ҳам сочларнинг чигали очилади. Аммо тараш вақтида ёғ ишлаб чиқариш икки ҳисса ортади.
Кир тароқлар
Кир тароқлардаги ёпишқоқ қатлам ўзига чанг тўплайди ва ундан фойдаланаётганда тоза сочларни ҳам ёғлантиради.
Укладка тароқда сочларнинг тўпланиши
Соч ёғланишининг яна бир сабаби шуки, укладка тароқни ишлатиш вақтида унда аввалги сафарлардан қолган сочларнинг бўлиши. Бу билан тароқдаги сочлар ёғини янги ювилган сочларингизга ўтказасиз. Бу энг кенг тарқалган сабаб, аммо кўпчилик буни билмайди.
Парвариш воситаларини нотўғри танлаш
Парвариш воситалари соч турига мос келмаслиги мумкин. Оддийроқ маҳсулотларни танланг ва “жило берувчи ва намловчи” хусусиятларни ваъда қиладиган маҳсулотлардан қочинг. Чунки улар қуруқ ва таъсирчан сочларга мўлжалланган, сиз учун эса булар ортиқча.
Сочнинг дам олишига йўл қўймайсиз
Агар мунтазам қуруқ шампундан фойдалансангиз, эртами-кечми, бош терисидаги тешикчалар ёпилиб қолади. Ойига 3-4 марта қуруқ сочга мўлжалланган шампун билан бирга тозаловчи ва жило берувчи шампунларни ҳам қўллаб туриш соч ва бош териси саломатлигини тиклайди.
Мавзуга доир:
Изоҳ (0)