Буюк Британиянинг Ньюкасл университети олимлари музликлар эриши оқибатида тўртта давлат – Ҳиндистон, Покистон, Перу ва Хитойда миллионлаб одамлар сув остида қолиши мумкинлигини маълум қилди. Бу ҳақда Science alert хабар берди.
Бу мамлакатларнинг аҳолиси иқлим офатларига таъсирчан, давлатларда эса музлаган кўллар (музлик ўйган чуқурликларда пайдо бўлган кўллар) сони кўп. Табиий офатлар бўйича тадқиқотчи Каролин Тейлор бошчилигидаги тадқиқот шуни кўрсатадики, 15 миллионга яқин одам музликлар эриши оқибатида хавф остида бўлиши мумкин. Муз кўлларининг қачон эришини олдиндан айтиш жуда қийин, шунинг учун олимлар ҳозирча хавф ҳақида огоҳлантириши мумкин.
Тадқиқот давомида олимлар музлик кўлларининг ҳолати, уларнинг ҳажми, сони ҳақида маълумот тўплади ва ўрганди. Кейин улар сўнгги 10 йил ичида ҳажми ошган муз кўлларига эътибор қаратди. Олимлар асосий хавф энг йирик музлик кўлларининг яқинлигида эмас, балки минтақада яшовчи аҳоли сони ва уларнинг табиий офатларга бардош бера олишида эканини аниқлади.
Тадқиқотда Осиёнинг баланд тоғлари аҳолиси мазкур хавфга бардошсиз экани, Покистон ва Хитойда муз кўлларининг эриши хавфи юқорилиги аниқланди. Покистонда музлик эриши эҳтимоли юқори бўлган ҳудудда 2 миллиондан ортиқ, Хитойда эса бундан деярли икки баравар кўп одам яшайди. Ушбу хавфли рейтингда Перу учинчи, Ҳиндистон эса тўртинчи ўринда туради.
Изоҳ (0)