НАТО бош котиби Путиннинг урушда ғалаба қозониши оқибатидан огоҳлантирди
Россиянинг Украинага қарши урушда ғалаба қозониши НАТО учун таҳдид бўлади. Бу ҳақда НАТО бош котиби Енс Столтенбергнинг нутқига таяниб, UNИАН хабар берди.
Столтенберг Пентагон раҳбари Ллойд Остин билан ўтказилган матбуот анжуманида бу ҳақда гапирган. У агар Россия президенти Владимир Путин Украинани мағлуб эта олса, бу украиналиклар учун фожиа ва НАТО учун хавф туғдиришини таъкидлаган. Сиёсатчи Путиннинг ғалабаси бошқа авторитар режимларга ўз мақсадларига ҳарбий йўл билан эриша олишлари ҳақида сигнал бўлишини айтган.
“Бу дунёни янада хавфли ва ҳимоясиз ҳолга келтиради. Украинанинг Европада мустақил давлат сифатида ғалаба қозониши ва устунлигини таъминлаш бизнинг хавфсизлик манфаатларига мос келади”, — деди НАТО бош котиби.
Шу билан бирга, у Европада содир бўлаётган воқеалар Осиё учун ҳам муҳим эканини, шунинг учун Хитойнинг ҳарбий кучига сармоя киритишига эътибор қаратиш кераклигини хулоса қилди.
Мавзуга доир:
- “Путин урушда ғалаба қозонишига ишонар экан, музокаралар столига ўтирмайди” — Столтенберг
- НАТО раҳбари Украинага танклар етказиб бериш муҳимлиги сабабини тушунтирди
- НАТО Украинадаги урушдан кейин ҳам Россия билан муносабатларни нормаллаштиришни истисно қилди
