Сешанба, 7 февраль кунги савдоларда Brent нефтининг апрель фючерслари нархи бир баррел учун 82 доллардан ошди. Бу ҳақда Интерcонтинентал Exchange маълумотларига таяниб, “Газета.ру” хабар бермоқда.
Савдо бошланганидан бери Brent нефть нархи 1 фоизга ошиб, бир баррел учун 82,87 долларгача юқорилади.
Brent — Шимолий денгиздаги 19 та нефть конларидан олинган хом ашё аралашмасидан тайёрланадиган нисбатан енгил хом нефтга берилган ном.
“Нефть 6 февралда бир баррел учун 79 доллардан қимматлашди. Нархларга Туркиянинг Жейҳан экспорт терминалига нефть етказиб бериш тўхтатилгани сабабли таклифдаги мумкин бўлган ўзгаришлар таъсир кўрсатмоқда. Таъминотнинг тўхтатилиши Туркиядаги энг кучли зилзилалар туфайли содир бўлди”, — дейилади мақолада.
Бир кун аввал Туркияда сўнгги 100 йилдаги энг кучли зилзилалардан бири содир бўлди. Зилзила эпитцентри мамлакат жануби-шарқидаги Газиантеп шаҳрига тўғри келди. Кейинчалик бошқа минтақада яна бир кучли зилзила содир бўлди.
Сўнгги маълумотларга кўра зилзила оқибатида ҳалок бўлганлар сони 3,5 мингга яқинлашган.
Изоҳ (0)