Ўзбекистонда 2022 йил якунлари бўйича аҳолига ажратилган ипотека кредитлари 14,4 трлн сўмни ташкил этди. Бу ҳақда Марказий банк ҳисоботидан маълум бўлди.
-30.jpg)
Қайд этилишича, ипотека кредитларининг аҳолига ажратилган жами кредитлар қолдиғидаги улуши 46 фоизга етган (2021 йилда 35,8 фоиз).
2022 йилда ажратилган ипотека кредитларида Молия вазирлиги маблағларининг улуши 2021 йилдаги 92,1 фоиздан 73,7 фоизгача пасайган бўлса, банк маблағларининг улуши эса 9 фоиздан 26,3 фоизгача ошди.
Бунда, “Янги тартиб” доирасида ажратилган кредитлар улуши 2021 йилдаги 49,5 фоиздан 59,2 фоизгача ўсган.
Мазкур даврда ажратилган жами ипотека кредитларининг 10,8 трлн сўми ёки 75 фоизи (ипотека шартномалари сонига нисбатан) янги уйларни, 3,6 трлн сўми ёки 25 фоизи эски уйларни сотиб олишга йўналтирилган.
Шунингдек, 2022 йилда нотариус идоралари томонидан жами тасдиқланган уй-жой олди-сотди шартномалар сони 250,3 мингтани ташкил этган.
Шундан 70,9 мингтаси ёки жами олди-сотди шартномаларнинг 28 фоизи ипотека кредитлари ҳисобидан молиялаштирилган шартномалар ҳиссасига тўғри келади.
2023 йил 1 январь ҳолатига кўра ипотека кредити қолдиғи таркибида 15 йилгача ажратилган ипотека кредитларининг улуши ўтган йилнинг мос даврига нисбатан 6,7 фоиз бандга камайиб, 18,8 фоизни ташкил этган бўлса, 20 йилгача ажратилган кредитларнинг улуши 68,3 фоиздан 73,4 фоизгача ошган.
Мазкур ўсиш тенденцияси бевосита сўнгги йилларда “Янги тартиб” доирасида аҳолига 20 йил муддатгача ажратилаётган ипотека кредитлари салмоғининг муттасил ўсиб бораётганлиги билан изоҳлаш мумкин.
Изоҳ (0)