Uzbekistan Airways Нью-Йоркка парвозлар учун 20 фоизлик чегирма эълон қилди

Uzbekistan Airways Тошкентдан Нью-Йоркка парвозлар учун чегирма тақдим қилди. Бу ҳақда компания матбуот хизмати хабар бермоқда. 

Қайд этилишича, 2023 йил 7 февралдан 10 апрелгача Тошкент—Нью-Йорк ва Нью-Йорк—Тошкент йўналиши бўйича амалга ошириладиган барча авиақатновларнинг эконом ва бизнес-класс тарифларига 20 фоиз махсус чегирма тақдим этилади.

Нью-Йоркка учиш учун 9- февраль, қайтиш учун эса 16 февраль танланганда нархлар қуйидагича бўлади:

Бунда 20 фоиз чегирма билан Нью-Йоркка бориб келиш 8,9 млн сўмдан бошланади.  

Маълум бўлишича, чегирма салонда жой эгалламайдиган ва 2 ёшгача бўлган болалар учун амал қилмайди.

Чегирмали авиачипталарни “www.uzairways.cом” сайти, “UzAirways” мобил иловаси, Uzbekistan Airways Sales филиали, унинг агентлари ва хориждаги ваколатхоналаридан харид қилиш мумкин.