“Юксалиш” умуммиллий ҳаракати раҳбари Бобур Бекмуродов педофилия учун энг оғир жазо бериш таклиф қилди.
Таклифга кўра, педофилия ва жинсий жиноятлар учун энг оғир жазо берилиши ва қўшимча жазо чоралари киритилиши керак.
“Педофилия бу шунчаки жиноят эмас, халқаро касалликлар квалификациясига киритилган ўта оғир руҳий касаллик. Бундай беморлар 25 йил қамоқдан кейин ҳам жамиятга шунчаки қайтарилмаслиги керак.
Мажбурий даволаш, кимёвий ва жисмоний бичиш амалиётларини ҳам жорий қилишда шубҳа бўлмаслиги зарур”, — деб ёзади Бекмуродов.
Эслатиб ўтамиз, Янгиҳаёт туманида зўрлик ва қотиллик аломатлари билан 12 ёшли қизнинг мурдаси топилганди. Мазкур ҳолат юзасидан жиноят иши қўзғатилган. Жиноят иши бўйича гумонланувчи шахс (29 ёшли эркак) Жиноят-просессуал кодексининг 221-моддаси тартибида ушланган.
Шундан сўнг Тошкент шаҳри Оила ва хотин-қизлар бошқармаси мактаб ўқувчиларининг ота-оналарига мурожаат қилганди. Таъкидланишича, ота-оналар фарзандларига ўзи ҳамроҳлик қилиши ва мактабга олиб бориб мактабдан олиб кетиши керак. Улар билан доимо алоқада бўлиб туриш лозим.
Изоҳ (2)
мен хам бу таклифга 100 фоиз кушиламан, уларни отиб ташлашкерак тамом,улар одам эмас, балки одам киёфасидаги махлуклар.
Нима учун Хар доим булиб у́тган ишларга кейин муносабат билдирилади шуларни олдин олиш учун ишлар килинмайди газ, свет,талим,медицина ,йу́лар хамма сохада кимлардир у́лимини кутишади кейин кахрамон ку́пайади