Amazon, Meta (Facebook), Alphabet (Google) ва Microsoft оммавий ишдан бўшатиш ва бошқа тежамкорлик чоралари учун 10 миллиард доллардан ортиқ маблағ сарфлайди. Бу ҳақда Financial Times хабар берди.
Технологик секторда энг катта иш ўринларини қисқартираётган АҚШ компаниялари ўзларининг қайта қуриш ҳаракатлари билан боғлиқ юқори харажатларни ошкор қилди. Ушбу тўртта корпорация умумий 50 мингта иш ўринларини қисқартиришини эълон қилди.
Маълумотларга кўра, компанияларнинг дастлабки харажатлари, жумладан, ишдан бўшатиш нафақалари кўп бўлишига қарамай, кўрилган чоралар инвесторларни рағбатлантирмоқда.
Қисқартириш ҳақида расмий эълон қилинганидан бери компаниялар биргаликда бозор капиталлашувини 800 миллиард доллардан кўпроққа оширди.
Ноябрь ойида иш жойларини қисқартириш ҳақида эълон қилгандан сўнг, Metaънинг қиймати деярли икки баравар ошди.
Таъкидланишича, Apple ўзининг уч ярим йил ичида биринчи марта чораклик даромади камайгани ҳақида хабар берганига қарамай, иш жойларини қисқартириш ёки харажатларни камайтириш дастурини эълон қилмаган ягона йирик технология компанияси бўлиб қолмоқда.
Изоҳ (0)