Россиядан Осиёга кўмир экспорти нархи ошгани маълум қилинди

Россия компаниялари Жанубий ва Шимоли-Ғарбий портлар орқали Сибирдан Осиёга кўмир экспорт қилишда давом этмоқда — уни ушбу йўналишда бозорларга ташиш нархи ошган. Бу ҳақда Россия Марказий банкнинг таҳлилий шарҳидан маълум бўлди.

Минимал рентабелликка қарамай, етказиб беришни давом эттиришнинг асосий сабаби — компанияларнинг мижозларни йўқотмаслик ва шартномалар шартларига риоя қилиш истаги.

Кемаларни ижарага олиш, суғурта хизматлари учун харажатлар, темирйўл тарифлари ошди. Жанубий ва Шимоли-Ғарбий портлар орқали Осиёга етказиб бериш аллақачон рентабеллик ёқасида, — дея таъкидлайди Марказий банк.

Шу билан бирга, йирик компаниялар ишлаб чиқариш дастурини тубдан қисқартиришдан бош тортмоқда, чунки нефтнинг юқори нархи (2021 йилда ва 2022 йилнинг биринчи ярмида) ишлаб чиқарувчиларга захираларни тўплаш имконини берди.

Регулятор вакиллари Европа Иттифоқининг тармоқ санкцияларининг заифлашиши компанияларга экспорт ва ишлаб чиқариш ҳажмини ошириш имконини берганини таъкидламоқда.

2022 йил охирида Россияда кўмир қазиб олиш 0,3 фоизга ошиб, 442 миллион тоннани ташкил этди, аммо экспорт 7,6 фоизга камайди.

Чегирмаларни тақдим этиш орқали Россия экспортчилари Жанубий Кореяга кўмир етказиб беришни кўпайтирди, бунга Узоқ Шарқдан қисқа транспорт масофаси ҳам ёрдам берди.