Хитой, Корея ва Қозоғистон: Ўзбекистонга энг кўп “иномарка”лар қаердан олиб келингани маълум бўлди

2022 йилда Ўзбекистон 34 та хорижий давлатдан енгил автомобиллар импорт қилган. Бу ҳақда Давлат статистика қўмитаси хабар бермоқда.

Маълумотларга кўра, январь—декабрь ойларида 33 та давлатдан енгил автомобиллар олиб келинган.

12 ойда Ўзбекистон енгил автомобилларни энг кўп Хитойдан импорт қилган — 11 159 та. Биргина декабрь ойида мамлакатдан 1088 та автомобиль олиб келинган. Январь—ноябрь ойларида бу кўрсаткич 10 071 тага тенг бўлган.

Ўзбекистон йил бошидан бери энг кўп автомобиль импорт қилган давлатлар рўйхатида Корея иккинчи ўринда жойлашган. 12 ой мобайнида мамлакатдан 9 414 та машина олиб келинган. Декабрь ойининг ўзида 883 та автомобиль импорт қилинган.

Учинчи ўринда 7 208 та автомобиль импорт қилинган Қозоғистон турибди. Январь—ноябрь ойларида мамлакатдан 6 395 та автомобиль импорт қилинган. Декабрь ойида эса бу кўрсаткич ошган — 813 та автомобиль.

2022 йил давомида Ўзбекистон автомобиль импорт қилган давлатлар рўйхатида Россия тўртинчи ўринда — 1 499 та. Декабрь ойида мамлакатдан умуман машина олиб келинмаган.

Бешинчи ўринда эса 555 та автомобиль билан АҚШ жойлашган. Ўтган ойда мамлакатдан 64 та енгил автомобиль олиб келинган.

Ўзбекистон автомобиль импорт қилган давлат рўйхатидаги кейинги ўринларда Япония (157 та), БАА (128 та),  ва Германия (125 та) жойлашган.