Чеченистон раҳбари Рамзан Қодировнинг жияни, 26 ёшли Ҳамзат Қодиров мулк ва ер муносабатлари вазири этиб тайинланди. Бу ҳақда “РИА Новости” хабар берди.
“Ҳукумат йиғилиши бўлиб ўтди. Чеченистон бош вазирининг янги ўринбосари, мулк ва ер муносабатлари вазири Ҳамзат Қодировни Вазирлар Маҳкамаси аъзоларига таништирдим. Ҳамзат иқтидорли ва ижрочи раҳбар, у давлат ҳокимияти ва маҳаллий ўзини ўзи бошқариш органларидаги олдинги лавозимларда юқори натижаларга эришиш орқали буни исботлади”, — деб ёзди Қодиров “Вконтакте” ижтимоий тармоғида.
Ҳамзат Қодиров 2012 йилда ҳофизлар мактабини тамомлаган, шундан сўнг Зелимхон Қодиров (Рамзан Қодировнинг акаси) номидаги Ахмат-Юрт оилавий қишлоғидаги ҳофизлар мактабига директор этиб тайинланган. 2017 йилда Чечен давлат университетининг давлат бошқаруви факультетини тамомлаган. У Чеченистон раҳбари ёрдамчиси, Курчалоевский муниципиал округи маъмурияти раҳбари, Чеченистон жисмоний тарбия ва спорт вазири, Чеченистон котибияти раҳбари лавозимларида ишлаган.
Маълумот учун, 2022 йил Рамзан Қодировнинг 19 ёшли қизи Хутмат Қодирова Республика раҳбари котибиятида бошлиқ ўринбосари этиб тайинланганди.
Изоҳ (0)