Яхши одатларни анъанага айлантириш вазн йўқотиш учун асосий вазифадир. Музлаткичда соғлом овқатланишга мос озиқ-овқатлар бўлмаганида, “зарарли маҳсулотларни” истеъмол қилишдан тийилинг. Қуйидаги 6 та маҳсулот харидлар рўйхатида, албатта, бўлиши керак.
Фойдали таомномага мос келадиган озиқ-овқат уйда етарли бўлса, озиш осонроқ ва ёқимли. Музлаткични очасиз ва озишга ёрдам берадиган маҳсулотлардан истеъмол қиласиз.
Тухум
Тухум куннинг исталган вақтида вазн йўқотиш учун фойдали таомлар тайёрлашда ишлатилиши мумкин. Иккита тухумни қайнатиш қийин иш эмас ва ҳар қандай вазиятда ўзингиз билан олиб кетиш осон, салатли омлет эса ажойиб иссиқ таомдир. Тухум оқсилга бой, шу боис у одамда тўйимлилик ҳиссини узоқроқ ушлайди.
Сабзавотлар
Янги сабзавотлар порсияда етарли масса ҳосил қилади ва парҳезга фойдали озиқ моддалар: клетчатка ва витаминлар қўшади. Салатлар ва омлет учун сабзавотлар борлигига ишонч ҳосил қилинг, шўрва ёки гарнирни бир зумда тайёрлаш учун ишлатиш қулай бўлган ҳолда қадоқлаб музлаткичда сақланг.
Барра салат учун зарур компонентлар
Тайёр барра салатларда калория юқори бўлади, шу боис асосий таркиб доим топилсин: лимон, зайтун мойи, севимли хантал нави, Ҳимолай тузи.
Творог
Таомномани ёгурт, ширин пишлоқли творог каби қўшимчалар билан бойитманг! Сифатли творог — бу хушхўр салатнинг таркибий қисми бўлиб, ҳам протеинга бой, ҳам осон ҳазм бўладиган маҳсулотдир.
Мавсумий мевалар
Организмда ширинликка эҳтиёж туғилса, унга мавсумий мевалар билан тасалли беринг! Ҳамиша олма захирасини сақланг: улар йил бўйи топиладиган пектин ва мураккаб занжирли углеводларга бой мевадир.
Ўзингиз билан олиб юрадиган озиқ-овқатлар
Нўхатли пюрелар, селдерей таёқчалари, пишлоқ, мева ёки сабзавотлар оч қолиб кетмаслик учун ажойиб қўшимчалардир. Ана шундай маҳсулотлар захирасини яратинг!
Мавзуга доир:
Изоҳ (0)