Юрак оғриса, чап қўлга зўр келади: бунга сабаб нима?
Юракдаги оғриқ қўлда ҳам сезилса, бу ҳар доим ҳам юрак патологиясининг белгиси бўлмаслиги мумкин. Кардио муаммолар билан боғлиқ бўлмаган ҳолатлар, масалан, остеохондрозда ҳам қўлда оғриқ сезилади. Қўшимча белгилар оғриқни келтириб чиқарувчи сабабларни аниқлашга ёрдам беради.
Юрак касалликлари билан боғлиқ бўлган оғриқ
Агар юракдаги оғриқлар чап қўлда ҳам сезилса, шифокор буни стенокардия деб тахмин қилиши мумкин. Беморнинг кўкрак қафасида одатий нафас олишига халақит берадиган оғриқ пайдо бўлади. Оғриқ нафақат чап қўл бўйлаб тарқалади, балки бўйин ва жағларда ҳам сезилади.
Хуружнинг хусусияти — одам ўзи учун қулай бўлган позицияни эгалласа ҳам ўзгармайди.
Оғриқ нафақат, юрак соҳасида, балки чап қўл ва кўкрак қафасининг орқа томони бўйлаб тарқалади.
Инфарктнинг белгилари:
- Турли интенсивликдаги куйдирувчи оғриқ;
- Нафас етишмаслиги;
- Оёқ-қўлларнинг увишиб қолиши;
Кейинги сабаб миокардитдир. Патология миокарднинг яллиғланиши натижасида келиб чиқади ва қуйидагилар билан бирга намоён бўлади:
- Босилганда кўкрак қафаси соҳасида оғриқ;
- Елка ва бўйинда ноқулайлик;
- Нафас олишнинг қийинлишуви (пароксисмал);
Миокардитда оғриқ ўтиб кетмайди, аксинча, бемор ҳаракат қилганида ортади.
Кардио муаммолар билан боғлиқ бўлмаган оғриқ сабаблари
Юракдаги оғриқ қўлда ҳам сезилса, бунга юрак мушаклари билан боғлиқ бўлмаган касалликлар сабаб бўлиши мумкин.
Шунга ўхшаш ҳиссиётлар умуртқанинг кўкрак қисмидаги остеохондрозда намоён бўлади.
Бу юрак соҳасида оғриқни келтириб чиқариши мумкин бўлган нерв толаларининг қисилиб қолиши, шунингдек, уни чап қўлга бериб, ҳаракатланаётганда увишиш ва оғриқ пайдо бўлишига олиб келади.
Қовурғалар ораси невралгияси стенокардия хуружига ўхшаб кетади, лекин бу касаллик ҳаракат пайтида оғриқнинг кучайиши билан фарқланади. Қовурғалар ораси невралгияси белгилари — оғриётган қисмда терининг қизариши ва сезгирлигининг пасайишидир.
Медиастинит олд тўқималарининг яллиғланиши — медиастинит. Бу паталогиянинг сабаби овқат ҳазм қилиш тизимининг касаллиги ёки шикастланишдир. Медиастинит белгилари:
- Ютиш пайтида, шунингдек, нафас олаётганда чап қўлда тарқаладиган оғриқ;
- Юз соҳасида кўкариш белгилари;
- Иситма;
- Юракнинг тез-тез уриши;
- Йўтал тутиши;
- Терлашнинг кучайиши;
- Овоз хириллаши.
Медиастинитда оғриқ жуда кучли эмас, лекин оғриқ қўлда аниқ сезилади.
Юқоридаги паталогиялар чап қўлда оғриқ сабабларининг барчаси эмас. Оғриқ кардионевроз, ўпка касалликлари, елка артрити ва бошқа хасталиклар белгиси бўлиши ҳам мумкин.
Ҳолатнинг ҳақиқий сабабини фақат малакали мутахассис аниқлай олади. Шифокор оғриқ учун етарли даволанишни буюриши керак, беморларга ўз билганича даволаниш тавсия этилмайди.
Мавзуга доир:
- Юракда санчиқли оғриқ кузатилса, биринчи ёрдам кўрсатиш учун нималарни билиш керак?
- Юрак саломатлигида муаммолар пайдо бўлмаслиги учун нима истеъмол қилиш керак?
