Бу йил қиш мавсуми мисли кўрилмаган даражада қаттиқ келди. Кўп қор ёғиши ва ҳавонинг совиб кетиши натижасида уйларда иситиш тизимлари ҳатто ишдан чиқди. “Новий очаг” нашри совуқ об-ҳавода уйда қандай қиллиб совуқ қотмаслик ва исинишга ёрдам берадиган лайфхаклар билан бўлишди.
Матрас жилдидан фойдаланинг
Матрас учун мўлжалланган жилд ортопедик тўшакка қараганда арзонроқ туради, лекин фойдали томонлари кўп. Бонус сифатида бу материал тана иссиқлигини жуда яхши сақлайди. Қўшимча иссиқлик учун жун қатламли тўшакни танланг. Асосий вазифа ҳақида унутманг, матрасни тоза тутиш орқали унинг ишлаш муддатини узайтириш мумкин.
Қўшимча ёпинчиқ қўшинг
Европаликлар узоқ вақтдан бери оддий ёпинчиқлардан фойдаланади. Бу қалин пахтадан қилинган чойшаб бўлиб, уни камроқ ювиш учун кўрпа-тўшак остида қўшимча қатлам сифатида ишлатилади. Иссиқ ва катта ҳажмли қишки одеялдан кўра қўшимча ёпинчиқ қатлами тана ва хона ўртасидаги ҳаво бўшлиғи туфайли баданни иссиқроқ қилади.
Қалин пардалар осиб қўйинг
Қалин қора пардалар ёруғликни тўсиб қолади, бу уйқу сифатини яхшилайди. Улар совуқ ўтишига йўл қўймайди, бу айниқса, ёғоч ромлар учун жуда ҳам муҳимдир. Хонани иситиш учун биринчи ўринда ёзги пардаларни қалинларига алмаштириш тавсия этилади.
Чойшабларни фланелга ўзгартиринг
Фланел — энг иссиқ материалларидан биридир. Бундан ташқари, у юмшоқ бўлиб, кўпинча чақалоқ ёпинчиқлари учун қўлланилади. Аммо уйда кучук ва мушуклар бўлса, фланел мато остига киришига йўл қўймаслик керак. Акс ҳолда уларнинг юнги матога ёпишиб қолади.
Кашмир пайпоқлар кийинг
Кашмир оддий жунга қараганда уч баробар кўпроқ иссиқликни сақлайди. Бундан ташқари, у бошқа барча турдаги жунларга қараганда юмшоқ. Оёқларни иссиқ ушлаб туриш учун кашмир пайпоқ энг яхши вариант.
Ётишдан олдин иссиқ ичимликлар ичинг
Агар ошқозон иссиқ бўлса, кейингина тана исиши мумкин. Энг муҳими, ичимликлар кофеин ва шакарсиз бўлиши лозим. Ялпиз, мойчечак ёки лавандали ичимликлар бу борада мос келади. Ёки шунчаки иссиқ сут ичиш тавсия этилади. Ухлашдан олдин исинишнинг яна бир усули — ванна қабул қилиш. Асосийси тезда тунги иссиқ кийимларни кийиб олиш зарур.
Шам ва сопол идишлардан фойдаланинг
Иситкичга қўшимча равишда тунда шам ва сопол идишлардан фойдаланиш мумкин. Шамни айнан сопол идишларда ёқиб қўйиш ўзидан иссиқлик таратишга ёрдам беради.
Мавзуга доир:
Изоҳ (0)