Гўштни совиткичда сақлаш эҳтиёткорлик чорасидир. Шунингдек, гўштни тез ва хавфсиз тарзда муздан эритиш орқали жуда қисқа вақт ичида мазали таом тайёрлаш мумкин. Жараённи тезлаштириш ва ҳар қандай гўшт бўлагини тезда муздан эритишнинг эса бир неча йўли бор, деб ёзади Marie Claire.
Гўштни хавфсиз тарзда муздан эритишнинг энг яхши усули уни тўлиқ эригунча музлаткичда бир кечага қолдиришдир. Эритилгандан сўнг парранда гўшти ёки денгиз маҳсулотларини яна бир ёки икки кун музлаткичда сақлаш мумкин, қизил гўшт яна уч-беш кун давомида яхши сақланади. Музлаткичда гўштни эритиш усулини танлаш олдиндан режалаштиришни талаб қилса-да, уни яна қайта музлатиш имконияти мавжуд.
Гўштни хона ҳароратида муздан эритиш ҳақида нима дейиш мумкин? Музлатилган гўштни иссиқ сувда эритиш ёки уни очиқ жойда эритиш учун қолдириш мумкин, деган манбалар мавжуд бўлса-да, бу хавфли бўлиши мумкин. Эритилган гўштнинг бир бўлаги, тури ва ҳажмидан қатъи назар, хона ҳароратида икки соатдан кўпроқ вақт давомида қолдирилмаслиги керак. Агар гўшт эрий бошласа ва ҳарорат 4 даражадан иссиқроқ бўлса, музлашдан олдин мавжуд бўлган бактериялар кўпайиб, саломатликка зарар етказиши мумкин. Мутахассислар бундай тажрибалардан воз кечишни маслаҳат беради.
Кўпчилик гўштни совуқ сувда муздан туширишни афзал кўради. Бу усул микротўлқинли печсиз гўштни тез ва тўғри муздан эритишга имкон беради, аммо у кўпроқ амалий тайёргарликни талаб қилади ва бир соат керак бўлади. Музлатилган гўшт бўлагини иложи борича кўпроқ ҳавони сиқиб, қайта ёпиладиган пластик пакетга жойлаштириш керак. Катта идиш совуқ сув билан тўлдирилади ва пакет сувга ботирилади. Ҳар 30 дақиқада сувни гўштни эритиб туриш учун ўзгартириш тавсия этилади.
Парранда гўшти ёки денгиз маҳсулотларининг кичик қисмларини бир соат ёки ундан камроқ вақт ичида эритиш мумкин, катта миқдордагилар икки-уч соат ичида эритилади. Тўлиқ музлатилган куркаларни эритиш учун тахминан 30 дақиқа керак бўлади. Гўшт муздан эритилгандан сўнг уни қайта музлатиш тавсия этилмайди, шунинг учун уни бўлакларга бўлиб, музлатиш яхшироқ. Таом тайёрлаш учун керакли бўлак ажратиб олинади ва эритишга қўйилади.
Гўштни муздан эритишнинг энг тезкор усули, албатта, микротўлқинли печдан фойдаланишни ўз ичига олади. Унинг ёрдамида маҳсулотни 10 дақиқадан камроқ вақт ичида тайёр ҳолга келтириш мумкин. Бу усул гўштнинг майда бўлаклари учун энг яхши вариантдир.
Агар микротўлқинли печнинг муздан эритиш функцияси бўлмаса, қувват паст даражага қўйилади ва у қисқа вақтга ёқилади, гўшт муздан эригунча мунтазам текшириб турилади. Эҳтиёт бўлинг: жуда юқори ҳароратда ёки узоқ вақт давомида қурилма гўштни муздан тушириш ўрнига пишишига олиб келиши мумкин. Ҳар қандай ҳолатда, муздан эритиш тугагандан сўнг маҳсулотни дарҳол пишириш лозим.
Муздан эритилмаган гўштдан фойдаланиш мумкинми? Гўштни пишириш учун кўпроқ вақт кетади ва пишириш учун тахминан 50 фоиз кўпроқ вақт ажратиш лозим. Афсуски, бу қовуриш учун идеал эмас. Музлатилган гўштни паст оловда пишириш тавсия этилмайди, уни истеъмол қилиш хавфли бўлиши мумкин.
Мавзуга доир:
Изоҳ (0)