Сочларингизни ёйган ҳолда ухламанг, бу билан сартарошга кетадиган бир қанча пулни тежаб қоласиз. Сочларни парвариш қилишнинг ўзи етарли эмас, соғлом ва янада жилоланиши учун уларни қандай қилиб тўғри тутишни ўрганиш муҳимдир. Биз сизга ҳар қандай ниқобдан кўра яхшироқ ёрдам берадиган бешта уйқу вақтидаги соч учун қоидаларни тўпладик. Бу қоидаларни бажарсангиз кифоя.
Уйқуга ётишдан олдин сочларингизни йиғинг
Уйқу вақтида у-бу ёнга ағдарилганингизда, ёйилган сочлар ёстиқ жилдига ёпишади, чигаллашиб, синади. Тасаввур қилинг, бу ҳар куни 8 соат давом этади.
Маҳкам чирмаб қўйиш керак эмас
Айнан шунинг учун ётишдан олдин сочларни йиғиштириб олиш муҳимдир. Аммо, қаттиқ чирмаб қўйишга шошилманг: бу ҳам тўғри эмас. Соч толаларини қаттиқ тортмасдан, ўрамдан сал тепароқдан йиғиб қўйган яхши. Соч резинасининг ҳам иложи борича юмшоқ бўлиши мақсадга мувофиқ.
Ҳўл бош билан ухламанг
Биринчидан, сизга бу ноқулайлик туғдиради ва совуқ қотасиз. Иккинчидан, нам сочлар бир кечанинг ўзида чалкашиб кетади. Уларни қаттиқ тарашингиз, синдиришингиз ва узиб олишингизга тўғри келади (ҳатто, энг юмшоқ тароқдан фойдалансангиз ҳам).
Сифатли ёстиқжилд танланг
Пахта энг экологик тоза материал бўлишига қарамай, сочлар учун ноқулайдир. Соч учун энг яхши СПА ипак ёстиқ жилдлари бўлиб, уларнинг сифати узоқ вақт мобайнида бузилмайди ва уйқу вақтида сочларга жило беради.
Баъзан ипак шарф ўраб ухланг
Бу ҳийла осиёликлар томонидан қўлланилади. Тез орада сочингизнинг жилоланиб туришини истасангиз, 2-3 кун давомида бошингизга ипак шарф ўраб ётинг. Кўрасиз, бу усул сочларни силлиқлаш ва ламинациялаш каби эффект беради. Сочлар жилоланиб, ипакдек майин бўлади.
Мавзуга доир:
Изоҳ (0)