Шифокор Руслан Гниденконинг айтишича, кекса ёшдаги организмда кузатиладиган муаммоларнинг сабаби витамин танқислиги ҳисобланади. Витамин ва минералларнинг етишмаслиги нафақат нотўғри овқатланиш, балки баъзи дори-дармонларни узоқ муддат давомида қабул қилиш фонида ҳам пайдо бўлиши мумкин. Масалан, оғриқ қолдирувчи ва транквилизатор (тинчлантирувчи)ларни қабул қилиш C ва B6, B12 витаминининг сўрилишини камайтиради, деб ёзади “Новий очаг”.
Фото: “Новий очаг”Шу сабабли 60 ёшдан ошган одамлар кўпроқ соғлиқни яхшилаш, организмнинг фаолиятини қўллаб-қувватлаш ва қариш жараёнини секинлаштиришга ёрдам берадиган витамин ва фойдали микроэлементларни қўшимча истеъмол қилишлари керак.
А витамини
Унинг етишмовчилиги белгилари — чарчоқ, хира кўриш, соч тўкилиши, заиф иммунитет, қуруқ тери. Карам, сут, жигар, ёғли балиқ, тухум сариғи, қизил ва тўқ сариқ рангли мева ва сабзавотларни истеъмол қилиш орқали танқисликни тўлдириш мумкин.
B гуруҳи витаминлари
Жаҳлдорлик, сурункали чарчоқ, мигрен, соч тўкилиши, терининг рангсизлиги, иштаҳанинг ёмонлиги, ич қотиши, овқат ҳазм қилишнинг бузилиши витамин етишмаслигидан далолат беради. Ушбу витаминни гўшт, ёғли балиқ, ёнғоқ, яшил сабзавотлар, сут маҳсулотлари, ўсимлик мойлари ва тухум истеъмол қилиш орқали олиш мумкин. Шунингдек, спиртли ичимликлар, қаҳва, чойни истеъмол қилишни камайтириш ва чекишни бутунлай ташлаш керак.
C витамини
Бурундан қон кетиши, тушкунлик, камқонлик, иммунитетнинг заифлашиши, мушаклар оғриғи, нафас қисилиши, тиш эмалининг заифлашиши организмнинг ушбу витаминга жуда муҳтожлигидан далолат беради. Мева ва цитрусларни истеъмол қилиш, шунингдек, рационга иложи борича кўпроқ янги сабзавотлар ва сутни киритиш керак. Наъматак, тарвуз, смородина ва бошқа резаворлар ҳам танқисликни тўлдиришга қодир.
PP витамини
Унинг етишмовчилиги диарея, кўнгил айниши, уйқусизлик, тери қуриши, бош оғриғи ва айланиши билан кузатилади. 70 ёшдан ошган кекса одамлар рационига цитрус, кўкатлар, узум, ўриклар, турли хил резаворлар ва қора шоколадни киритишлари керак.
D витамини
Кекса ёшда D витаминининг етишмовчилиги босимнинг кўтарилиши, ортиқча терлаш, асабийлашиш, кариес, мушакларда оғриқ ва заифлик билан намоён бўлади. Бунинг учун мол жигари, балиқ ва балиқ ёғи, сут маҳсулотлари, тухум сариғини истеъмол қилиш керак. Бундан ташқари, иложи борича тез-тез очиқ ҳавода юриш тавсия этилади.
E витамини
Vitaминга бўлган эҳтиёжнинг асосий белгилари — кўз остида қора доғлар, мушакларнинг кучсизлиги, терининг пигментацияси, кайфиятнинг ўзгариши, кўришнинг хиралашиши. Уруғ, дон, сут, жигар, мол гўшти, нўхат, дуккаклилардан фойдаланиш тавсия этилади.
К витамини
Сурункали чарчоқ, бурундан қон кетиши, анемия, гематомалар ушбу витамин етишмовчилиги белгиларидир. Ушбу муҳим витаминни тухум, ловия, гўшт, парранда ва сут маҳсулотлари, шунингдек, янги сабзавотлар ва соядан олиш мумкин.
Кекса ёшдагилар витаминларни қандай қабул қилиш керак?
Vitaминларни беморнинг ёши, умумий аҳволи ва шикоятларини ҳисобга олган ҳолда, фақат шифокор буюриши керак. Витaмин-минерал комплексни танлашда сурункали касалликлар мавжудлигини инобатга олиш лозим. Бундан ташқари, бемор қанчалик кекса бўлса, витаминларни танлашга шунчалик эҳтиёткорлик билан ёндашиш керак. Кексалар, айниқса, 75 ёшдан ошганлар учун гипервитаминоз ҳам витамин ва минералларнинг етишмаслигидан кам хавфли эмас. Ушбу моддаларни ортиқча истеъмол қилиш асаб тизимининг бузилиши ва буйрада тошлар пайдо бўлишига олиб келиши мумкин.
Изоҳ (0)