Кечаси олма истеъмол қилиш фойдалими ёки зарарли?

Олма озуқа моддаларига бой мева ҳисобланади. Уни катталар ҳам, болалар ҳам севиб истеъмол қилади. Хўш, ушбу мевани истеъмол қилиш фойдалими ёки салбий таъсир ҳам мавжудми? Wday нашри қуйида ушбу саволга жавоб берди.

Кечаси олма истеъмол қилиш фойдалими?

Олма паст калорияли маҳсулотдир. У ёғларни ўз ичига олмайди, лекин витамин, минераллар, макро ва микроэлементларга эга. Олмани янгилигича ва қуритилган ҳолда ҳам истеъмол қилиш фойдали. Бироқ ётишдан олдин янгисини истеъмол қилиш яхшидир, чунки қуритилган олма жуда юқори калорияга эга ҳисобланади.

Парҳездагиларга кўк ёки нордон навларини истеъмол қилиш тавсия этилади. Унда шакар камроқ. Олмалар иштаҳани вақтинча бостиради ва шу билан бирга ошқозон ости бези ширасини ишлаб чиқаришни тезлаштиради. Шунинг учун бир неча соатдан кейин очлик ҳисси яна пайдо бўлади. Бироқ ётишдан олдин сендвичдан кўра олма истеъмол қилиш яхшидир, бу вазнга ижобий таъсир қилади.

Олма овқат ҳазм қилишни яхшилайди, токсинларни чиқариб ташлайди ва иммунитет тизимини мустаҳкамлайди. Кечаси организмдаги барча жараёнлар секинлашади ва мева таркибидаги клетчатканинг юқори миқдори туфайли овқат ҳазм қилиш жараёни сусаяди. Натижада оғриқ ва шиш пайдо бўлади.

Кечаси олма истеъмол қилиш мумкинми?

Ётишдан олдин олма ошқозон-ичак муаммолари ва қандли диабетга чалинган одамларга мумкин эмас. Ҳатто меванинг кичик бир бўлаги ҳам ошқозонда кучли оғирликка олиб келади.

Агар очлик ҳисси бўлмаса, мева истеъмол қилмаган маъқул. Кечаси нимадир истеъмол қилиш истаги зерикиш ёки бекорчиликдан келиб чиқади. Шуни тушуниш керакки, бундай газаклар организмни ишлашга мажбур қилади, аммо тунда ҳар бир орган дам олиши керак. Акс ҳолда метаболизм бузилади, бу жиддий касалликлар ва вазн ортишига олиб келади.

Кечаси олма истеъмол қилиш мумкин, агар:

• Парҳезга риоя қилиш керак. Озиқ моддалар танқислигини тўлдириш учун кунига 3-4 марта сабзавот ва меваларни истеъмол қилиш тавсия этилади.
• Овқатланишни ўтказиб юбормаслик лозим. Кечки овқат 2 соат давомида тўқлик ҳиссини беради, кейин яна очлик ҳисси пайдо бўлади, чунки организм витамин, минераллар ва бошқа моддаларнинг кунлик нормасини олмайди.
• Кечқурун спорт залида машқ қилиш мумкин. Машқ қилиш орқали организм энергия сарфлайди. Шунинг учун кучни тиклашга ёрдам берадиган олма истеъмол қилишга рухсат берилади.

Шунингдек, олма тишларни яхши тозалайди, милкларни массаж қилади ва ёқимсиз ҳидни йўқ қилади. Қаттиқ сабзавот ва мевалар ҳам худди шундай таъсирга эга.