Гонконгда рўйхатдан ўтган юк кемаси Жанубий Корея жанубидаги Чежу ороли яқинида чўкиб кетди. Кема бортида 22 киши бўлган, улардан баъзилари қутқарилган, қолганлари қидирилмоқда. Бу ҳақда Қирғоқ қўриқлаш хизматига таяниб, Yonhap хабар бермоқда.
Ёғоч ташийдиган Жин Тиан кемаси Чежу оролидаги Согвипхо шаҳридан тахминан 148 километр жанубда бўлган. Кечаси у ёрдамга чақириш сигналини берган. Қирғоқ қўриқлаш хизмати вакилининг сўзларига кўра, беш нафар денгизчи шу атрофдан ўтаётган кемалар ёрдамида қутқарилган. Қидирув операцияси давом этмоқда.
Кейинроқ Япониянинг NHK телеканали миллий Қирғоқ қўриқлаш хизматига таяниб 13 киши қутқарилганини хабар қилди.
Декабрь ойида Таиланд қироллиги флотига қарашли “Сукхотай” корвети Сиам кўрфазидаги сувларда бўрон туфайли чўкиб кетганди. Кема бортида жами 106 нафар денгизчи бўлган.
Мавзуга доир: Таиландда нефть танкери портлаб кетди, 8 киши бедарак ёъқолди (видео)
Изоҳ (0)