Украина президенти Владимир Зеленский украин қўшинлари Беларусга ҳужум қилишни режалаштирмагани ва режалаштирмаётганини маълум қилди. Бу ҳақда “Интерфакс-Украина” хабар берди.
“Бу бутун Украина халқининг беларус халқига асосий сигналидир. Беларусь ўз мустақиллигини йўқотмаслиги ва ҳеч кимнинг таъсирига қарамай, шармандали урушга қўшилмаслиги биз учун жуда муҳим”, — деди Зеленский.
Украина раҳбари шу тариқа Беларусь президенти Александр Лукашенконинг сўзларига изоҳ берди. Жумладан, Лукашенко Киев Минскка “ҳужум қилмаслик тўғрисида” шартнома имзолашни таклиф қилганини айтган.
“Бир томондан, улар биздан Украина билан жанг қилмасликни, қўшинларимизни у ерга ўтмасликни сўрамоқда. Ҳужум қилмаслик тўғрисида пакт тузишни таклиф қилишмоқда”, — деди Лукашенко 24 январь куни учрашувлардан бирида.
Путиннинг матбуот котиби Дмитрий Песков “Киев Минскка ҳужум қилмаслик тўғрисида шартнома таклиф қилгани ҳақида Кремлда ҳеч қандай маълумот йўқ”лигини билдирган.
Мавзуга доир:
Изоҳ (0)