Tailand qirolligi flotiga qarashli “Sukxotay” korveti Siam ko‘rfazidagi suvlarda bo‘ron tufayli cho‘kib ketdi. Kema bortida jami 106 nafar dengizchi bo‘lgan. Qirollik dengiz floti 75 kishi qutqarilgani va 31 dengizchi qidirilayotganini ma’lum qildi.
Tailand Harbiy-dengiz kuchlari ma’lumotlariga ko‘ra, Prachuapkxirkixon provinsiyasidan 20 dengiz mili uzoqlikda kuchli shamol sabab kema bir tomonga og‘ib ketgan, tizimga suv kirgan, oqibatda elektr quvvati uzilib qolgan va korvetni boshqarish imkoni bo‘lmagan.
#PrachuapKhiriKhan #Thailand🇹🇭- Search and rescue operation underway for 31 crew members onboard the sinking Royal Thai Navy HTMS Sukhothai ship, 20 nautical miles off the coast of #BangSaphan District (📹กองทัพเรือไทย) pic.twitter.com/Asbr0WShwg
— CyclistAnons🚲 (@CyclistAnons) December 19, 2022
Harbiy-dengiz kuchlari yordam uchun voqea joyiga qutqaruv kemalari va vertolyotlar yuborgan. Bangsapxan portidan buksirlar yetib kelgan. 75 kishi suvdan olib chiqilgan. Hududdagi kemalar qidiruv-qutqaruv ishlarini davom ettirmoqda.
AQSHda ishlab chiqarilgan “Sukxotay” korveti Tailand dengiz flotida 1987-yildan beri foydalanib kelinardi.
Mavzuga doir:
Izoh (0)