«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 15-сони мавзуси «Тошкент: йўқотишлар ва топишлар» бўлиб, дастур меҳмони сифатида журналист Бахтиёр Насимов таклиф этилди.
Қор йиғиштириш жуда қиммат. Индианаполис шаҳри ҳақида бир мақола ўқигандим, бу шаҳарда 600 минг аҳоли яшайди. Бир қор тозалашга 100 минг доллар (бензин, иш ҳақи, махсус регентлар, тузларга) сарфланади. Соғлиқ ҳам қиммат, яшаш ҳам. Минг хил ёғ, бензин, тузни ўзига шимиб олган қор ва музни анҳорга ташласангиз, аҳвол танг бўлади.— Тахминан 5 мингта ташкилот Бўзсувга чиқинди ташийди. Анҳордаги балиқ борми, ўсимлик борми, бари ўлиб-қуриб кетади бу кетишда. Бензин кетса, кэтсин — Бўрижарга, анҳорга қорларни олиб бориб ташлаш керак эмас, бошқа ерга олиб чиқиб кетиш керак. Бўзсувдаги сувлар барибир ўзимизга қайтади, тоза сувнинг ўзи йўқ шундоқ ҳам.
Анҳор бир жаннат тимсоли. Тоғдаги оппоқ қорлар эриб, 600 км дан тушиб келади. Швейцарияда бундай сувлар фалон пул туради. Биз нима қиляпмиз? Чиқинди, ахлат ташлаяпмиз, қадрламаяпмиз, табиатни ўзимиз ўлдиряпмиз. Кейин кеч бўлади деёлмаймиз, кечикиб бўлдик. Бунинг таъсирини йўқотолмаймиз, минималлаштириш, юмшатиш мумкин холос, — дейди Бахтиёр Насимов.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)