«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 15-сони мавзуси «Тошкент: йўқотишлар ва топишлар» бўлиб, дастур меҳмони сифатида журналист Бахтиёр Насимов таклиф этилди.
2009 йилда Шарқий Европа бўйича мутахассис бўлган Бренслей исмли иқтисодчи билан интервью қилганимда 2020 йилги Ўрта Осиёни қандай кўриши ҳақида сўраганман. У айнан ҳозирги муаммоларни айтган: катта шаҳарлар — Тошкент, Остона, Олма-ота ривожланади, жуда йирик қурилишлар бўлади, вилоятларда эса электр энергияси ва сув (газ ҳақида айтмаган, демак, ўшанда бу муаммо бўлмаган экан) муаммоси кучайиб, вилоятликлар шаҳарга оқиб кела бошлайди, деган. Бундан келиб чиқадики, барчаси институционал, йиллар давомида йиғилиб келган муаммолар. Тўғри, уларни бир кунда ечиш қийин, лекин ҳаракатни бошлаш керак.
Болалигимизда ариқлар тоза, ҳатто балиқлари бўларди. Ҳозир тозалик тугул, ариқда сув йўқ. Ирригация қаерга йўқолди? Фақат эски консерватория томонда, Экопарк томонга тушиб кетадиган кўчада ариқ қолган. Яна қаерларда ариқ борлигини эслаш учун анча вақтимиз кетиб қолади, аввал эса ҳамма ерда ариқ бўларди, — дея бугунги ирригация аҳволига ҳам тўхталди журналист.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)