«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 15-сони мавзуси «Тошкент: йўқотишлар ва топишлар» бўлиб, дастур меҳмони сифатида журналист Бахтиёр Насимов таклиф этилди.
— Авваллари маҳалла, маҳалладош, тобуткаш, ҳассакаш деган сўзлар жуда қадрли эди. Ҳозир одамларнинг ишончини қозонган бирор маҳаллани билмайман. Борми ўзи? Қаерда ўқисам, ҳамма норози: нега шунча маблағ ишлатиляпти, нима иш қилиняпти?
Масалан, етакчи интернет нашрларини мунтазам кузатаман, энг кўп учрайдиган сўз — «талон-торож». Бирор одамга ёрдам бериш керак бўлса, тўғридан-тўғри қилиш керак, кимдир орқали эмас. Дейлик, маҳалладан бу иш амалга оширилса, уларга турли талон-торож қилиш ҳолатлари учун имконият туғилади.Яна бир ғалати нарса «справка» масаласи эди. Ҳатто чет элга чиқиш учун маҳалла муҳри керак, дейиларди. Кейинчалик маълумотномаларга нарх қўйила бошланди. Шукурки, маҳаллани тубдан кемира бошлаган бу тизим тугатилди, — дейди журналист.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)