«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 15-сони мавзуси «Тошкент: йўқотишлар ва топишлар» бўлиб, дастур меҳмони сифатида журналист Бахтиёр Насимов таклиф этилди.
— Тошкент узоғи билан 1 миллион аҳолига мўлжалланган шаҳар эди. Ҳозир тахминимча, бу кўрсаткич 3 миллионга чиқиб кетди. Лекин шаҳар бунча юкламага чидамайди. Нега «свет» кўп ўчади? Демак, инфратузилма бунча истеъмолга мўлжалланмаган. Маблағ олиб, пул сарфлаш учун катта-катта уйлар қуриб ташлашган.
Бизда нега тартиб йўқ? Чунки одамлар қонунга эмас, одамга бўйсунади. Оддий мисол, светофорнинг қизил чироғида ўтиш мумкин эмас, лекин камера, радар бўлмаса, ҳамма қоидани бузади. Камера бўлса, қонунга хилоф иш қилмайди, чунки жазо борлигини билади. Шунинг учун бир ҳолатни ҳеч ким яхши-ёмон деб баҳолаши эмас, қонун ишлаши, норматив бўлиши керак. Электр энергияси, сув, канализация масаласида ҳам шундай.— 1–2 йил аввал эсласангиз, президент аввал ўзи ҳоким бўлган бир тумандаги кўп қаватли уйни кўрганда «Қанақасига бу «дом»ни қуряпсизлар? Бу ерга қувурларни ўзим қўйганман, 80 та хонадонга чидайди. Қандай қилиб 800 та хонадонни киритмоқчисизлар?» — деб танбеҳ берганди. Афсуски, бутун Тошкент эмас, ҳамма вилоятларда уйлар шундай қуриляпти, — дейди журналист.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)