Маълум бўлишича, микротўлқинли печ идиш-товоқ губкасидаги бактерияларга қарши курашишнинг ягона усули эмас. «Новий очаг» нашри энг самарали ва тасдиқланган усуллар билан бўлишди.
Ҳеч ким идишларни микроб билан тўлган губкада ювишни ёқтирмайди, шунинг учун улар мунтазам тозаланиши керак. Аммо қайси усул энг самарали ҳисобланади? Идишларни ювиш машинаси, микротўлқинли печ, кир ювиш машинаси, оқартиргич ёки сирка.
Губка тозалашнинг энг самарали усули
3/4 чашка оқартиргич ва 4 литр сув аралаштирилади, губка беш дақиқа давомида намланади, сўнгра ювилади. Тажриба давомида оқартирувчи эритма губкалардаги бактерияларнинг учта штаммининг 99,9 фоизини ўлдирди. Бу АҚШ атроф-муҳитни муҳофаза қилиш агентлигининг озиқ-овқат бўлмаган маҳсулотларни тозалаш талабларига асосланган ҳолда идеал натижа ҳисобланади.
Аммо қанчалик масъулият билан тозалашдан қатъи назар, ошхонадаги губкалар узоқ ишлатилмайди. Улар ҳафтада бир марта тозаланади ва ҳар икки-уч ҳафтада янгисига алмаштирилади.
Губкаларни тозалашнинг бошқа усуллари
Оқартирувчи восита бактерияларни ўлдиришнинг энг яхши йўли деб ҳисобланишига қарамай, ушбу усулларга мурожаат қилиш мумкин.
Микротўлқинли печ
Микротўлқинли печ энг самарали усуллардан бири бўлиб, микробларнинг 99,9 фоизини ўлдиради. Агар бу усул тўғри келса, микротўлқинли печга губка қўйилади, у сув билан намланган бўлиши керак. Кейин бир ёки дақиқа давомида юқори ҳароратда қиздирилади.
Идиш ювиш машинаси
Идиш ювиш машинаси ҳам микробларнинг 99,9 фоизини ўлдиради. Бундай ҳолда, губкани иссиқ қуруқ ҳаво созламалари ёрдамида идиш-товоқ машинасига солиш кифоя.
Сирка
Бу усул бактерияларнинг 99,6 фоизини йўқ қилди. Бажариш керак бўлган нарса губкани сиркага беш дақиқа давомида ботириш ва кейин уни чайишдир.
Изоҳ (0)