Ижтимоий тармоқлар ва мессенжерларда Қозоғистоннинг Олмаота шаҳрида 18 киши «Цефтриаксон» антибиотики инъекциясини қабул қилганидан кейин вафот этгани ҳақида хабарлар тарқалмоқда. Таъкидланишича, ушбу препарат дорихоналардан ёппасига мусодара қилинишни бошлаган, деб ёзади Tengrinews.
Бироқ Қозоғистон Соғлиқни сақлаш вазирлиги бу маълумотларни рад этди. «“Цефтриаксон’га нисбатан кўнгилсиз реакциялар бўйича беморнинг ўлими билан тугаган ҳолатлар қайд этилмаган. Қозоғистон ССВ Тиббий ва фармацевтик назорат қўмитасига ва унинг Олмаота шаҳри бўйича ҳудудий департаментига бундай шикоятлар келиб тушмаган», — дейилади вазирлик хабарида.
«Цефтриаксон» — антибиотик бўлиб, у сепсис, менингит, турли хил инфекциялар, пневмония каби касалликларнинг кенг турларини даволаш учун ёзиб берилади. Бу дори Қозоғистонда лицензияга эга бўлиб, дорихоналарда сотилади.
Мавзуга доир:
- Ангренда «Сефтриаксон» дори воситаси сабаб 11 ёшли қиз вафот этгани айтилди. Ҳолат юзасидан текширув ўтказилмоқда
- Навоий прокуратураси «битта укол оқибатида» вафот этган 36 ёшли аёлнинг иши юзасидан текширув ўтказмоқда
- Бош прокуратура 1 ой ичида 3 беморнинг ўлими қайд этилган хусусий клиника шифокорларига жиноят иши қўзғатди
Изоҳ (0)