Украинадаги уруш тугаганидан кейин НАТО ва Россия муносабатларининг нормаллашишини кутмаслик керак, деди НАТО бош котиби Йенс Столтенберг. Бу ҳақда Handelsblatt хабар бермоқда.
«Аввалгидек бўлмайди. Украинада ўт очиш тўхтаган тақдирда ҳам, биз Россия билан муносабатларимиз нормаллашишини кутмаслигимиз керак», — деди у.
НАТО бош котиби, шунингдек, ҳозир Украинадаги можаронинг ҳал қилувчи босқичи эканини айтиб, Киев ғалаба қозониши учун унга қурол-яроғ етказиб бериш зарур, деган фикрни билдирди. Унинг таъкидлашича, Ғарб давлатлари Россияга паст баҳо бермаслиги керак, унинг «ресурслари катта».
«Биз урушнинг ҳал қилувчи босқичидамиз», — деди Столтенберг.
У альянс мамлакатлари Киевга оғир ҳарбий техника етказиб бериш бўйича ўз зиммаларига олган мажбуриятларни муҳим деб атади ва яқин келажакда кўпроқ ҳарбий ёрдам юборилишини таъкидлади.
Изоҳ (0)