Ғарб мамлакатлари Украинага 4 мингдан ортиқ қурол-яроғ етказиб берди, деб ёзади Bloomberg. Бу рақам ичига зирҳли техника, артиллерия ҳамда ҳарбий самолётлар киради.
Ушбу етказмалар қуйидагиларни ўз ичуга олди:
- 410 та танк (Польша, Чехия ва Словениядан);
- 300 та жанговар пиёда машиналари;
- 1100 та бронетранспортёр ва бир неча юзлаб бошқа транспорт воситалари, шу жумладан, зирҳли даволаш марказлари;
- қарийб 925 та минага қарши ҳимояланган машиналар;
- 1540 дан ортиқ пиёдалар кўчма транспорт воситалари;
- 300 та шатакчи гаубицалар (кўпчилиги — АҚШдан);
- 95 та ракета қурилмалари, 38 Американинг HIMARS ракета тизимлари ва 40 дан зиёд бараварига ўт очиш реактив тизимлари (Польша ва Чехиядан).
Шунингдек, НАТО бош котиби Йенс Столтенберг немис ОАВларига берган интервьюсида яқин орада Украина оғир қуролларнинг навбатдаги партиясини олишини айтди.
Ўтган ҳафта бошида Германияда Украинага Leopard танкларини жўнатиш бўйича музокаралар кетаётгани ҳақида маълум бўлганди. Якуний қарор шу ҳафта ичида қабул қилиниши кутилмоқда.
14 январь куни Украина президенти Владимир Зеленский офисининг раҳбари Андрей Ермак Украина ўз иттифоқдошларидан оғир қурол-яроғ қабул қилишни бошлаб юборгани ҳақида маълум қилди. Киев айнан қайси мамлакатлардан қандай қурол-яроғ олганига Ермак аниқлик киритмаган.
Изоҳ (0)