Ўзбекистоннинг бир қатор вилоятларида қишки таътил муддати 23 январга қадар узайтирилди.
Маълум бўлишича, Бухоро вилоятида таълим муассасаларидаги таътил кунлари 22 январгача узайтирилган. Ўқув машғулотлари 23 январь кунидан бошланади.
Андижон вилоятидаги боғча, мактаб ҳамда Президент, ижод ва ихтисослаштирилган мактаблар, шунингдек олий ва ўрта махсус таълим муассасаларида қишки таътил 23 январга қадар узайтирилган.
Шунингдек, Хоразм вилояти ҳудудида совуқ об-ҳаво шароити сақланиб қолаётгани туфайли барча мактабгача таълим муассасалари, умумтаълим мактаблари, Президент, ижод ва ихтисослаштирилган мактаблар, олий ва ўрта махсус ўқув юртларида қишки таътил 23 январга қадар узайтирилган.