Ўзбекистон президентининг Сингапурга расмий ташрифи арафасида бўлиб ўтган икки давлат тадбиркорлари ўртасидаги ишбилармонлик алоқаларини ҳар томонлама мустаҳкамлашга қаратилган Ўзбекистон—Сингапур бизнес-форумида «Ўзтўқимачиликсаноат» уюшмаси раиси Илҳом Ҳайдаров интервью берди.
Унинг сўзларига кўра, Сингапурга ташриф учун йиллар давомида тайёргарлик кўриб келинган.
«Ҳаммага маълумки, Сингапур дунёнинг энг катта молиявий ва бизнес маркази ҳисобланади. Бу ерда катта корпорацияларнинг штаб-квартиралари жойлашган. Кўплаб компаниялар билан битимларни янгилаш ва кенгайтиришга эришдик. 2023-2024 йилларда қарийб 110 миллион долларлик тўқимачилик маҳсулотларини экспорт қилишга келишиб олдик. Тўқимачилик маҳсулотларини нафақат Сингапурга, балки Европа давлатларига ҳам экспорт қилиш бўйича битим туздик», — дейди у.
Таъкидланишича, Сингапур — IT-технологиялар йирик платформаси саналади.
«Биз LendingStar компанияси билан алоҳида платформа яратишга келишдик. Маҳсулотларимиз шу платформа орқали сотилади ва факторинг услубида молиялаштириш имконига ҳам эга бўламиз», — дейди Илҳом Ҳайдаров.
Изоҳ (0)