Қорақалпоғистоннинг Хўжайли туманидаги озиқ-овқат дўконида 16 январь куни ёнғин содир бўлди. Бу ҳақда Республика Фавқулодда вазиятлар вазирлиги ахборот хизмати хабар берди.
Маълум бўлишича шу куни соат 05:02 да «Маданият» маҳалласи Мустақиллик кўчасидаги «Ф.Қ» МЧЖга қарашли енгил конструкцияли озиқ-овқат дўконида ёнғин содир бўлган.
Воқеа ҳақида 101 тезкор рақамига мурожаат келиб тушгач, воқеа жойига 6 та ёнғин-қутқарув экипажи жалб қилинган. Аниқланишича, дўконнинг 108 метр квадрат майдони ёниб зарарланган.
Маълум бўлишича, ёнғин оқибатида ҳеч ким тан жароҳати олмаган ва ҳалок бўлганлар йўқ. Ҳозирда ёнғиннинг келиб чиқиш сабаблари аниқланиб, етказилган зарар миқдори ҳисоблаб чиқилмоқда.
Изоҳ (0)