Филиппин президенти Фердинанд Маркос июндан буён Украинанинг президент Зеленский билан телефон суҳбатини ташкиллаштириш бўйича барча илтимосларини эътиборсиз қолдирмоқда. Бу ҳақда Малайзия масалалари бўйича ишончли вакил Денис Михайлюк маълум қилди, у Филиппин билан муносабатлар учун ҳам масъулдир, деб хабар бермоқда Inquirer.
Дипломатнинг сўзларига кўра, Киев телефон орқали суҳбатлашиб, Маниланинг Россия-Украина уруши юзасидан позицияни аниқлаштириб олишга умид қилган.
Маркос ўтган йилнинг 30 июнида Филиппин президенти лавозимига киришганди. Сайлов кампанияси чоғида у низода томонлардан ҳеч бирини қўллаб-қувватламоқчи эмаслигини айтганди. Қуролли тўқнашувнинг ўзини эса у номақбул деб атаганди.
«Бонгбонг» лақабли 64 ёшли кичик Маркос май ойида бўлиб ўтган сайловда 31 миллиондан ортиқ сайловчи билан кўпчилик овозларни қўлга киритган эди. У ўз сиёсатининг устувор йўналишлари сифатида пандемиядан кейин республикани тиклаш ва филиппинликларнинг ҳаёт сифатини яхшилашни белгилаган.
Давлатнинг янги раҳбари, Филиппинни 1965 йилдан 1986 йилгача бошқарган диктатор Фердинанд Маркоснинг ўғли. Унинг отаси Фердинанд Маркос ҳукуматдан ағдарилган ва сургунда вафот этган.
Айрим сиёсий таҳлилчилар ва ҳуқуқ ҳимоячиларининг фикрича, янги президент ўзидан олдинги президентдан ҳам қаттиқроқ авторитар йўл тутади.
Кичик Фердинанд Маркос 1986 йилда Филиппиндаги ҳарбий тўнтаришдан сўнг ота-онаси билан мамлакатни тарк этган, бироқ 1991 йилда қайтиб келган ва узоқ йиллар давомида мамлакат Конгресси аъзоси бўлган. У аввалроқ отаси ҳақида ижобий фикрларни билдириб, уни «ажойиб» давлат арбоби деб атаган эди.
Изоҳ (0)